Статьи

Главная » Статьи » Материалы библиотеки » Общие 1

В категории материалов: 774
Показано материалов: 221-240

Страницы: « 1 2 ... 10 11 12 13 14 ... 38 39 »

Сортировать по: Дате · Названию · Комментариям · Просмотрам

Къарачай халкъ джырла
Карачаевские народные песни
Джарашдыргъанла Гочияланы С. А., Ортабайланы Р. А. - К., Сюйюнчланы X. И.

СОВЕТ ДЖЫРЛА

Уллу Ата джурт къазауатны юсюнден джырла

Москваны алыр муратдан
Немцала бизге уруш ачдыла,
Бизни къызыл аскерле
Къаллай зор дунияны чачдыла.

Ала бизни хорлаялмазлыкъларын
Керек эдиле билирге,
Гитлер план салгъан эди
Онбеш кюнден Москвагъа кирирге.

Наным партизаннга кетгенди

Наным партизаннга кетиб барады,
Уллу борчу бла бойнунда,
Уллу Москвада саугъаланнганды,
Ордени барды къойнунда.

Наным атакагъа кирген заманда
Турмаз къоллары къалтырай,
Ол победаны алса келликди
Къызыл орденлери джылтырай.

Герой болуб къаит!

Мени къолумда къол джаулугъум,
Бууунума салыб джашырдым.
Джанымдан эсе сюйген нанымы
Мен къазауатха ашырдым.

Сен къазауатха кетиб бараса,
Эсенлик бла айланныкъ.
Тенглеринги арасында, наным,
Биринчи болуб сайланныкъ.

Къазауатха кетген джашлагъа этилген джыр

Абдулла миннген машина,
Аны хырлары бек болсун.
Армиягъа кетген а бизни джашла,
Джашар кюнюгюз кёб болсун.

Бизни джашла кетиб баралла
Тюзлюк властны джолуна.
Джашладан келе да болурму, анам,
Адам сёлешген тауушла.

Нанда

Не къан джаугъанды Нарсана орамлагъа,
Анда адам къанла уа къайнайла,
Сиз да таныучу субай санларымы
Герман автоматла чайнайла.

Не айтырыкъларын биз да билмейбиз,
Очередь этиб тизелле,
Сиз да таныучу субай санларымы
Герман пулемётла юзелле.

Субай санларымы алдырдым ит фашистлени кючюнден

Тарыгъыуларымы мен айтыр эдим
Субай санларымы юсюнден,
Субай санларымы джаугъа алдырдым
Ит фашистлени кючюнден.

Эртдембла тогъуз сагъатда
Биз машингъа миннгенбиз.
Ой сау къалыгъыз, анам, эгечим,
Биз къазауатха киргенбиз.

Аскерчини кюую

Ой эртденбла тогъуз сагъатда
Мен машинагъа миннгенме,
Сиз сау къалыгъыз, анам, эгечим,
Мен герман бойгъа киргенме.

Мен герман бойгъа кириб барама,
Сиз сау къалыгъыз, саламат,
Орамда къалгъан джангыз эгешчигим
Ой анам, сеннге аманат.

Булбулчукъ

Олтурама, письмо джаза наныма,
Акоплада джырла джазарлай къууана.
Суратынгы салыб туура джаныма,
Къатымдача къарайма сыфатынга.

Элибизден учуб келген булбулчукъ
Хапарынгы меннге айтады,
Тынчды дейди анда ишле, ариучукъ
Джууабынгы меннге алыб къайтады.

Аскерчини джыры

Биринчи юйюм, мени Ата Джуртум,
Сени сакъларгъа кетейим,
Машинада бара, фронтха джетгинчи,
Сеннге бир джырны этейим.

Ата джурт ючюн урушха кириб,
Тоблагъа окъла салырбыз,
Фашистле къачыб, биз аланы сюрюб,
Берлиннге дери барырбыз.

Эндиги чыкъгъан герой джашчыкъла

Къарачай халкъ джырла
Карачаевские народные песни
Джарашдыргъанла Гочияланы С. А., Ортабайланы Р. А. - К., Сюйюнчланы X. И.

СОВЕТ ДЖЫРЛА

Урунуу бла уруннганланы юсюнден джырла

Эндиги чыкъгъан герой джашчыкъла
Чачларын джанбаш тарайла,
Самолет бла хауагъа чыгъыб,
Бинокла бла къарайла.

Ой, мен нанымы ашыра бардым,
Кийген кийимим къызара.
Самолет бла ташайыб кетди,
Къолуму тутаргъа узала.

Чалкъыгъа сабла кесигиз, джашла

Чалкъыгъа сабла кесигиз, джашла,
Къар эриб кетиб башлагъанд.
Джашагъан джерибиз акъ кийимин тешиб,
Бек уллу хане битиб джашнагъанд.

Ученик бригада чалкъы чалалла
Бир-бири ызындан баралла.
Ученик къызчыкъла дырыннга келиб,
Аланы ызларындан къарайла.

Къойчуну джыры

Ой, атам-анам, мен малчы болгъанма,
Кавказ таулада джайлайма
Тамам эригиб энишге къарасам,
Джыр бла джюрек байлайма.

Эриге тебресем мен тутуб минеме
Джанымдан сюйген тору атха,
Джюрегим урад, санларым тохтамайд,
Сагъыш этеме бир затха.

Колхозчу къыз

Кимди айча джарытхан
Кимди кюнча джылытхан
Сурат кибик ариудан
Кёзлеринги къаматхан.

Ол а колхоз къызчыкъды
Бизни къаракъашчыкъды
Выставкагъа баргъанды
Анда орден алгъанды.

Кюз чалкъычы джашланы джырлары

Ударник къызла дырын джыялла
Толтуруб кюнбет таланы,
Шерифаланы бир кёб сагъындыгъыз,
Мен бир айтайым аланы.

Тогъуз сюйгени болгъан Шерифагъа,
Мен сукъланама, ёлеме,
Мен билмегенлей энтда бир къошулуб,
Он болуб тура кёреме.

Чалкъычыкъ

Алтын кюзде,
Колхоз тюзде
Чалкъычыла чалалла,
Джерни джюгюн,
Джашил тюгюн
Дюрюлеге салалла.

Мен таблайма,
Хыршылайма
Чалкъычыкъны ауузун.
Алама да
Тынгылайма,
Эштемисиз тауушун.

Чалкъычы джаш бла дырынчы къыз

— Чалкъычыгъымы хазыр этгенме,
Чалкъы чалыргъа кетеме.
— Сенекчигими хазыр этгенме,
Дырын джыяргъа джетеме.

— Мен алгъаракъгъа кетиб барама,
Ой, анда чалкъы чалырма.
— Мен сенден артха къаллыкъ тюйюлме,
Мен да ызынгдан барырма.

Джашла бла къызланы бир-бирлерине джырлары

Джашла:
Биз чалкъы чала турабыз, къызла,
Бармакълача тизилиб,
Ызыбыздан алай дженгил келигиз
Кёгюрчюнлеча сюзюлюб.

Къызла:
Джетиджыллыкъны беш джылны ичинде
Биз толтуругъа излейбиз.
Алай эриниб бизге кёрюнмегиз
Биз аллай джашланы сюймейбиз.

Колхозчу къызны джыры

Чагаланы аллы башланнганлы бери
Бёлмейин чага этеме,
Трудоденлерими бери бер, бригадир,
Энди мен эрге кетеме.

Алай кетерге боллукъ тюйюлдю
Къачда сабанланы ормайын.
Трудоденлеринги берлик тюйюлме
Атанга-ананга сормайын.

Адамлагъа саулукъ берген Курорт-Теберди

Къарачай халкъ джырла
Карачаевские народные песни
Джарашдыргъанла Гочияланы С. А., Ортабайланы Р. А. - К., Сюйюнчланы X. И.

СОВЕТ ДЖЫРЛА

Туугъан джуртубузну юсюнден джырла

Таулагъа къараб сейирсинедиле,
Солургъа келген адамла,
Бу мийик таула бир ариу болалла
Джаз кырдык ургъан заманда.

Курорт Тебердиге кёбле келелле,
Джан саулукларын сакъларгъа,
Бери келгенни кёзю къарайды
Ариу курортда къалыргъа.

Къарачай шахарым

Тансыкъ болуб кёбден бери
Бир да чыдаб тёзалмай,
Шахарыма мен келеме
Кенгден къараб, кёз алмай.

Таракъ тишлей, джити таула
Мийик туруб, сюелиб.
Энчи салам мен береме
Минги таугъа ийилиб.

1-20 21-40 ... 181-200 201-220 221-240 241-260 261-280 ... 741-760 761-774

Карачаевцы и балкарцы

Статьи