Белляу-белляу, бёлейим
Сеннге ашхылыкъла кёрейим,
Джандан сюйген джан балам,
Адам болуб кёрейим.
Джанымдан сюйген балам,
Сенсе джюрек сюйгеним,
Сен рахат болмайын,
Тынчлыкъ табмайд джюрегим.
Джюрегими къууанчы,
Джашаууму джубанчы,
Накъут-налмаз джашчыгъым,
Гокга ханслай, джашчыгъым.

Къар джауады, борайды,
Ханны кеси къорайды?
Джылкъычысы джылайды,
Тууарчысы джау гыбытны,
Башын-башын сылайды,
Отунчусу кюледи,
Джашы тоюб джырлайды,
Къызы ёпкелеб къыйнайды.

Бирден билеу,
Экиден эгеу,
Ючден ючгюл,
Тюртден тёнгек.
Бешден бешик,
Алтыдан ашыкъ
Джетиден къашыкъ
Сегизден сенек,
Тогъуздан токъмакъ,
Ондан оймакъ,
Буздан таймакъ,
Абил билим,
Чыкъсын тилинг!

Къакъ-къакъ къаргъала,
Къамиш тюбю джаркъала,
Ачы сууда балыкъла,
Гийре ичинде джылкъыла.
Джылкъы кимни джылкъысы?
Къазий улу Къаммолатны джылкъысы.
Къаммолат къайры кетгенди?
Мал джолуна кетгенди.

Эртде биреу бар эди.
Темир тиреу бар эди.
Таш тегене бар эди.
Агъач челек бар эди.
Къумурсханы къой этиб,
Къумгъа джайгъан бар эди.

Онбеш, онбеш, онбеш,
Сен санасанг да онбеш,
Мен санасам да онбеш,
Сюйсенг сана, сюйсенг къой,
Онбешди да онбешди.

Чыкъыр-чыкъыр, Генджахан,
Улакъларынг макъыра,
Эчкилеринги чакъыра.
Согъа эсенг, сокъ,
Сокъймай эсенг къой,
Бет теринги сой,
Чабыр эт да кий,
Отджагъагъа сий.

Бирем-бирем, экем-экем,
Бауур олтан, сабдан къалай
Елю бугъа, сары тай, тору тай,
A-а малтай,ча-а малтай
Ичи балтай, чыкъ, Тотай!

Дуркъу-дуркъу-дуркъу ичинде ала ёгюз,
Бу урлаб келди, бу сойду да къазаннга салды,
Бу биширди да аш саламгъа чыгъарды,
Бу да ашады да тойду,
Бу да барды да иесине айтды да къойду,
Тюйюгюз, тюйюгюз, муну эшикге атыб ийигиз!

Дуркъу-дуркъу-дуркъу,
Дуркъу ичинде ёгюз,
Егюз ичи семиз,
Бу урлады, бу сойду,
Бу биширди, бу ашады,
Бу артха къалды,
Тюйюгюз муну, тюйюгюз, тюй!

Дуркъу-дуркъу-дуркъу ёгюз.
Егюз ичи семиз,
Бу урлады, бу сойду, бу биширди,
Бу ашады, бу айгъакъ чыкъды.
Муну да тюйюгюз,
Муну да тюйюгюз,
Муну да тюйюгюз,
Муну да тюйюгюз,
Муну да тюйюгюз!
Джашчыкъны (неда къызчыкъны) эшикге атыб ийигиз!

Джюу-джюу-джюу ала,
Эки чычхан суу ала,
Амма боза бишире,
Акка кийик тюшюре.
Ит къабханд да, ёлеме,
Хан къузлукъгъа барама,
Кюнде айланыб, кюеме,
Кюмюш тюйме тюеме,
Сени бир бек сюеме.

Джюу-джюу-джюу ала,
Эки чычхан суу ала,
Амма боза бишире,
Акка кийик тюшюре.
Босагъадан абына,
Сакъалчыгъы къабына,
Тамбласы, бюгюннгюсю,
Таугъа кетди дыгъы этерге
Чибиниси
Дыгъы-дыгъы-дыгъы-дыгъы-дыгъы!

Къолгъа бардым, къолум сынды,
Бузгъа бардым, бутум сынды,
А буз, а буз, сен неден кючлюсе?
Мен кючлю болсам мени кюн да эритмез эди.
А кюн, а кюн, сен неден кючлюсе?
Мен кючлю болсам, мени булут да джабмаз эди.
А булут, а булут, сен неден кючлюсе?
Мен кючлю болсам, мени джангур да чачмаз эди.

Ой юшюдюм, юшюдюм,
Таудан алма тюшюрдюм.
Алмачыгъымы къабдыла,
Менге зыгыт атдыла.
Ол зыгытха базмайма,
Бу зыгытха базама,
Терен уру къазама.

Бара-бара баз табдым,
Базны ичинде таракъ табдым.
Таракъны аммагъа бердим,
Амма манга баппу берди.
Баппуну итге атдым,
Ит манга кючюк берди.
Кючюкню къойчугъа бердим,
Къойчу манга къозу берди.
Къозуну къонакъгъа сойдум,
Къонакъ манга къамчи берди.

Бара-бара баз табдым
Базны ичинде къаз табдым
Юш дедим да атламады
Джарлы Кюкюртюй ёмюрюнде келининден
Бир алакъытай кёлек да къабламады.
Минат джамагъатын сакъламады.

Агъач джара, мычхы тута,
Къынгыр этдик беллени.
Джаратхан аллах тюб этгееди
Тау къышлыкълада эллени.

Агъач джармагъаннга биз къыз бермейбиз,
Агъачлалла бизни джашатхан.
Багъатырланы Узеир тюлмюдю
Мёлеклеге агъач ашатхан.

О къолаллыкъда, джашла, джаным, о Къобан сыртда да къуру атдырмагъан,
О къолаллыкъда, джашла, джаным а Къобан сыртда да джюген салдырмагъан атым.
О ючлю да болуб, джаным, ючеуленнге да кишен салдырмагъан,
Ой тёртлю болуб, джаным, тёртеуленнге да джер салдырмагъан атым.
Ол а бешли болуб, табу, айда, бешеуленни дакёлтюрген тору атым.
Алтылы да болуб, джашла, алты башлы эмегенле ёлтюрген тору атым,
Джегили да болуб, джашла, джетилидир а буула джетиб къалдыргъан да тору атым,
Сегизли болуб да бу сексан тюрлю нал къакъдыргъан атым.

Уллу Къарачайдан чыкъды зытчыу аскер, хой-хой,
Джеркле кёпюр къулагъындан ары атлалла, хой-хой,
Чийбыдырды делле, Шимауканы джаратмалла, хой-хой,
Джёрме кетди аллым бла аргъы бетге, хой-хой,
Таш салдырыгъыз Орусланы Къалмаметге, хой-хой.
Къалмаметни айтхан ташы керти эсе, хой-хой,
Санайма да джёрмелени ючю джокъду, хой-хой,
Махдандыргъан джёрмегизни ичи джокъду, хой-хой.