Агъач джара, мычхы тута,
Къынгыр этдик беллени.
Джаратхан аллах тюб этгееди
Тау къышлыкълада эллени.

Агъач джармагъаннга биз къыз бермейбиз,
Агъачлалла бизни джашатхан.
Багъатырланы Узеир тюлмюдю
Мёлеклеге агъач ашатхан.

Борлакъланы Келемет агъач урласа,
Ол агъашчыдан къоркъмайды,
Агъачны туталлыкъ агъашчы
Аны ызындан джортмайды.

Чибижия улу Макара
Бурус агъачны хурджунуна алыб джашырад.
Агъашчыгъа кёргюзмей, брус агъачланы
Хауа бла ашырад.

Гочияланы темирчи Джумарыкъ
Балта этгенди агъачны кеси джонарча.
Мени бу къызларыма бир амал табыгъыз
Была мени юйюмден къорарча.