О къолаллыкъда, джашла, джаным, о Къобан сыртда да къуру атдырмагъан,
О къолаллыкъда, джашла, джаным а Къобан сыртда да джюген салдырмагъан атым.
О ючлю да болуб, джаным, ючеуленнге да кишен салдырмагъан,
Ой тёртлю болуб, джаным, тёртеуленнге да джер салдырмагъан атым.
Ол а бешли болуб, табу, айда, бешеуленни дакёлтюрген тору атым.
Алтылы да болуб, джашла, алты башлы эмегенле ёлтюрген тору атым,
Джегили да болуб, джашла, джетилидир а буула джетиб къалдыргъан да тору атым,
Сегизли болуб да бу сексан тюрлю нал къакъдыргъан атым.
Тогъузлу болуб токъсан тюрлю джабыу джабдыргъан,
Ол онлу болуб, джашла, джаным, окъ джыланлай бютюн атылгъан тору атым.
Онбирли болуб саулай Эресейге айтылгъан тору атым,
Онекили болуб джангыз къыз джесирге сатылгъан тору атым.
Тёббеде кекелин, джашла, ариу къызлагъа эшдирген гору атым.
Къызыл айылларын, табу, аждагъан джашлагъа тешдирген тору атым.
Мен анга миниб Дуутха, тейри, кетиб бараем,
Дуут элни джоллары тар батмала, чауулла,
Дуут элни джоллары, айда, къуму билеу, ташы эгеу.
Атымы аягъы, джашла, энди, къарачыгъыз, бир да бата болмаз,
Анга миннген Къара-Джашны джаны ёлюб джар тюбюнде бир да джата болмаз.
Мен анга миниб, баргъанем Дууутха тейри, къонакъ болуб,
Дуут элни къызлары аллай омакъ болуб.
Инджилиу келди, джашла, мени апсынымдан, былай сынаб кетди,
Зауурда келди да мени алмай сарнаб, джаным, джылаб кетди.
Дуут эли атыма аш салдыла, джашла, къаурадан,
О кёлюм чыкъды да ол уллу Дуутда ол ариу Заурдадан.
Инджилиу да кёрдюм, джаным, аллай джашнай эди дагъыда сохан бачха,
Чокайда кёрдюм къаллай ариу ишлениб бир инджи бочха,
Ой, Аллах бергеед да сени атанг Чугуну Кетени бла бир ачха.
Уллу да элни да къызлары джайылдыла, джаным, ёзен уугъа,
Ала бара-барыб, джашла, тюбедиле, джаным, ючлю буугъа,
Ол ючлю бууну да ала секиртдиле, тамам, анда къара суугъа,
Къалай къалынды, джашла, анда къара сууну къаймагъы
Ишиме заран болад да Шандууну, джаным, Ахия баймагъы.