Октябрны джарыкъ тийген кюнюнден
Тау Къарачай толу эркинлик табханса.
Шох юйюрню — совет халкъны ичинде
Россиягъа гитче къарнаш болгъанса.

Окъуу чыгъыб сени ана тилингде,
Туугъан халкъынг кууанч джырла джырлайды.
Шахарынгда эмда узакъ элингде
Шыбыла кюч чыракъ болуб джашнайды.

Сен кёкге джете мийиксе
Ууакъ тауланы ичинде.
Мияла кибик джылтырай
Къанга бузларынг юсюнгде.

Юсюнгде барды акъ тонунг,
Сен джай да къыш да киесе.
Кюн бузулургъа тебресе,
Боран этерге сюесе.

Саулай Эресейде ёртен джанады,
Джарлыла къаугъа ачалла,
Джер иелеге кыскынык киргенди,
Ала Тау артына къачалла.

Чолакъ Мырзакъул телеграмма урады,
Къарачай аскер берсин деб,
Болыневик аскер джетиб келеди,
Бай, бий да кюнюн кёрсюн деб.

Бизни аскерибиз тамам бегигенди,
Джауланы къанын сыпхаргъан,
Джашасын бизни Къызыл Аскерибиз,
Бизге джарыкъ джашау чыгъаргъан.
Джашасын бизни Къызыл Аскерибиз,
Бизни джауладан сакълайды
Ленинни бизге берген юлгюлерин
Джангыз бир кърал да табмайды.
Ол бизге юлгю бергенди, Ленин,
Тамам халал къолу бла,

Джер джарылыб,
От чачылса,
Бир къоркъуу салмаз.
Сау дунияда
Бир аскер да
Бизге тенг болмаз.
Бу берилген эркинликни
Бизден киши алмаз.
Ма биз Къызыл аскерлени
Аскер хорламаз.
Ленинизмни
Къазанында
Къайнаб бишгенбиз,
Партияны
къурч джолунда
Туууб ёсгенбиз.

Мен таулу къызем.
Мутхуз джулдузем,
Къарлы тик таулада джашай эм,
Башха болмайын,
Тюзлюк алмайын,
Тубан джабхан айгъа ушай эм.
Бир тюзлюк кёрмей,
Джыладым бёлмей,
Аны уа киши сан этмеди,
Быллай зорлукъда,
Джашау тарлыкъда
Бир къыз муратына джетмеди.

Кёб заманны биз джукъладыкъ,
Джукъубуздан уянмай,
Кёб кюрешдик, кёб къыйналдыкъ
Ишни къолгъа джыялмай.

Кимле ханла, кимле бийле,
Башларын уллу кёргенле,
Тынч джашаргъа сюйгенле,
Ишчи халкъдан къан ичгенле.

Мында да турдум, тенгле, тышында да айландым,
Энди социализме джетгенбиз.
Эжиу этигиз, халал тенглерим,
Мен джангы джырчыкъ этгенме.

Халкъгъа тенг эркинлик береди, тенгле,
Быллай тюз муратлы партия,
Тёгерегибизни сакълаб тургъан
Джашасын Къызыл Армия.

Джыл-джылдан байлыкъ кёб болад
Сени джолунгу кючюнден,
Къралла юлгю алалла
Бизни къралны ишинден.

Артдагъы ууакъ миллетле
Тенглик джашаугъа чыкъдыла,
Партиябызны кючюнден
Къарангылыкъны джыкъдыла.

Кёбдю джыйылгъан мюрзеулени санлары,
къууанчлы джашасын аны джыйгъанланы джанлары,
Зынтхы ашаб семиредиле маллары,
Кёб ишлерге сюедиле къоллары.
Айланыбды иги ишлерге аллары,
Джокъду аланы арыулары, талыулары.
Бу мюрзеуден ишлеген бары ашасын!

Болыневикле келелле
Ой, ой эте, ой эте
Алларына чыгъайыкъ
Къобуз согъа, той эте.

Бизни къралны ичинде ёсюб келген
Бу эки сабийни къууанчына джыйылгъанбыз да,
Бу алгъыш хар барысына да барсын.
Бизге бу эркинликни берген
Къралыбыз тынчайыб, баш кърал болсун,
Хар къралны башчысы болсун,
Хар джюрюген сабийибиз башчы болсун.
Бу къууанчны юсюнде тилеген тилегибиз къабыл болсун.

Джарлылагъа джашау ачхан, джарытхан,
Онгсуз, онглу айырмайын айнытхан,
Къанлыланы, къанын тёкдюрген,
Къралына джарыкъ джашау этген,
Миллетине нюр чачхан,
Онгсузуна, онглусуна бирча эшик ачхан,
Этген муратын толу табхан,
Ленинни джолу джашасын.
Джаш тёлюсюне окъуу, билим алдыргъан,
Къартланы къарт кюнюнде солутхан,
Артыкълыкъны къралындан къурутхан,
Ленинни джолу джашасын.

Тауларыбыз къара кийген заманда
Барамтадан чакъмаелле сабанла,
Къобаныбыз мыдах кюуле этеед,
Тюзлюк излеген тутулуб кетеед.

Припеви:
Башчы болуб сен къурагъан партия,
Эркинликни берди бизге саугъапьан
Хар оноуу джюреклени джылыта,
Ол ишлейди рахат джашау халкълагъа.

Россияны ичинде
Тюзлюк ючюн туугъанса,
Джарлы халкъны юсюнден
Патчахлыкъны къуугъанса.
Уллу Ленин устазынг,
Уруннганланы ёкюлю,
Октябрда сен салдынг
Кенг джашаугъа кёпюрню.

Ленин бизге джашау бериб кетгенди,
Барыбызгъа ол осият этгенди,
Партияны ариу, кирсиз сакъларгъа,
Уруннганланы ит къауумдан джакъларгъа,
Алдан алгъа хаман хорлаб атларгъа,
Хорламланы онла бла къатларгъа.

Белляу, белляу, бала, бёлюмден,
Аллах сакъласын бу баланы ёлюмден.
Белляу а белляу, бала бёлюмчек,
Алыб келгин бир оразлы юйден келинчик.

Келинле келсин, юйюбюзден къыз чыкъсын,
Арбазыбызда уллу той болсун
Баланы аллында минг къой болсун.
Мингден артыгъы аны джюз болсун.

Аллахны кёлю башыгъызгъа тюз болсун,
Ай, тюзню ётмеги тюзде джатса да,
Аны ит джолукъса ашамаз,
Ашхы кишилер аман джашамаз.

Белляу, белляу, бёлейим,
Сеннге игилик кёрейим,
Аурумагъын, ёлмегин
Сени ючюн мен ёлейим.
Джылама, балам, джылама,
Сенсе кёзлерими къарасы,
Сен джыласанг чанчады,
Джюрегими джарасы.

Белляу, белляу, балачыгъым,
Сенден алгъа ёлейим,
Сени адам болуб,
Къатын алыб кёрейим.
Белляу, белляу, бёлейим
Хайырынгы кёрейим,
Белляу, белляу бёлейим
Сенден алгъа ёлейим.
Джаша, бала, джашауунгдан тояйым,
Къурманынга къуба ёгюзле сояйым.
Къурманлыгъынг тауда отлагъан кийикди
Мени джашым тенглеринден мийикди.

Белляу, белляу, бёлейим,
Балачыгъым, сенден алгъа ёлейим,
Кёб джашагъын, хайырынгы кёрейим,
Бешигинги бауу, бала ычхынсын,
Башынгдан огъурлу къаргъа къычырсын.
Къаргъаланы къонушлары къолдады,
Сени атанг келе эсе джолдады.
Джолукъгъаннга балачыгъын сорады,
Соргъанындан иги хапар алады,
Ол алгъанын хурджунуна салады.
Бал ашасын, бала, сени тамагъынг,
Кюрен тартсын, бала, сени къабагъынг.