Бизни къралны ичинде ёсюб келген
Бу эки сабийни къууанчына джыйылгъанбыз да,
Бу алгъыш хар барысына да барсын.
Бизге бу эркинликни берген
Къралыбыз тынчайыб, баш кърал болсун,
Хар къралны башчысы болсун,
Хар джюрюген сабийибиз башчы болсун.
Бу къууанчны юсюнде тилеген тилегибиз къабыл болсун.
Армиягъа баргъан джашларыбыз алчы болсунла.
Къуллукъларын толтуруб, муратларына джетиб,
Биз къралны аллына киши чыкъмазча этсинле.
Бизге аманлыкъ излеген муратын, сыйын табмасын.
Марксны, Энгельсни эм Ленинни партиясыны байрагъы
Бютеу дунияны башына чанчылсын.
Партияны планлары
Къралладан алгъа барсын,
Къысха заманда игилик бла толсун.
Коммунист партия хар къралны аллында башчы болсун,
Хар атлагъан джолу эркинден-эркин болсун.
Партия этген муратына джетсин,
Къысха заманда бизге коммунизмни кёртюзтсюн.