Джер джарылыб,
От чачылса,
Бир къоркъуу салмаз.
Сау дунияда
Бир аскер да
Бизге тенг болмаз.
Бу берилген эркинликни
Бизден киши алмаз.
Ма биз Къызыл аскерлени
Аскер хорламаз.
Ленинизмни
Къазанында
Къайнаб бишгенбиз,
Партияны
къурч джолунда
Туууб ёсгенбиз.
Бу берилген
Эркинликни
Бизден киши алмаз.
Ма биз Къызыл
Аскерлени
Аскер хорламаз.
Джерде джюрюб,
Сууда джюзюб,
Тобла атабыз,
Къушла кибик
Кёкде учуб,
Отла чачабыз.
Бизден киши алмаз.
Ма биз Къызыл
Аскерлени
Аскер хорламаз.
Эркинликни
Байракъларын
Алгъанбыз къолгъа,
Келсин бери
Къаршчы турлукъ
Биз баргъан джолгъа!
Бу берилген
Эркинликни
Бизден киши алмаз.
Ма биз
Къызыл Аскерлени
Аскер хорламаз!
Таула кибик толкъунланы
Джарыб джюзебиз,
Турналача
Къурч къушланы
Кёкде тизебиз.
Бу берилген эркинликни
Бизден киши алмаз,
Ма биз Къызыл
Аскерлени
Аскер хорламаз!
Крейсерлени,
Танкаланы,
Джолун кесгенбиз,
Залимликни тас этгенле
Ма биз аскербиз.
Бу берилген эркинликни
Бизден киши алмаз,
Ма биз Къызыл
Аскерлени
Аскер хорламаз,
Атлы, джаяу
Ыхдырылмай
Джаугъа киребиз,
Къанлыланы
Чегибизден
Кенгнге сюребиз.
Бу берилген
Эркинликни
Бизден киши алмаз,
Ма биз Къызыл
Аскерлени
Аскер хорламаз!
Капиталны
Тот бугъоуун
Эритдик, чачдыкъ,
Джарлы-джалчы,
Орталыкъгъа
Биз тенглик ачдыкъ.
Бу берилген
Эркинликни
Бизден киши алмаз,
Ма биз Къызыл
Аскерлени
Аскер хорламаз!
Къан ичиучю
Капиталны
Ташладыкъ джолдан,
Тенгликни
Къызыл байрагъын
Иймезбиз къолдан.
Бу берилген
Эркинликни
Бизден киши алмаз,
Ма биз Къызыл Аскерлени
Аскер хорламаз!