Мен таулу къызем.
Мутхуз джулдузем,
Къарлы тик таулада джашай эм,
Башха болмайын,
Тюзлюк алмайын,
Тубан джабхан айгъа ушай эм.
Бир тюзлюк кёрмей,
Джыладым бёлмей,
Аны уа киши сан этмеди,
Быллай зорлукъда,
Джашау тарлыкъда
Бир къыз муратына джетмеди.
Бердиле эрге,
Салдыла кёрге,
Ачыулукъ дуниясына чайнадым,
Джашауум болмай,
Ашауум болмай,
Ачыудан къазанча къайнадым.
Ол кюнден башлаб,
Джашауну ташлаб,
Бир уллу къыйынлыкъгъа къалдым.
Этер мадарым,
Джетсин аджалым,
Деб ёлмеклик джолну сайладым,
Ма бу кёзюуде,
Зорлукъ джегиуде «Болыневикле!» деб таууш келди.
Ала джетгенлей,
Тенглик этгенлей,
Эски, чирик джашау да ёлдю.
Зорлукъ чачылды,
Тюзлюк ачылды,
Къан ичген гыбыла къоралла,
Мен да къууандым,
Толу ийнандым,
Биз джарлы къызлагъа джаралла.
Келген кюнюнден,
Айтхан сёзюнден
Ишчи, эллилени джокълалла,
Зорлукъ кетмейин,
Тюзлюк этмейин,
Бир амал джокъду деб тохталла.
Была келгенлей,
Тенглик бергенлей,
Биз да адамлагъа ушадыкъ,
Зорлукъ джашауну,
Къыйын ашауну,
Юсюбюзден атыб бошадыкъ.
Зорлукъ ташайды,
Тамам ушайды
Кюн тийиб эриген бузлагъа;
Окъумакътенгди,
Школла кенгди,
Джалчы-джарлы таулу къызлагъа.
Окъургъа бардым,
Тюз акъыл алдым,
Джарыкълыкъ дуниясын бердиле,
Кёзюм ачылды,
Тубан чачылды.
Тамам адам кибик кёрдюле.
Чыкъды тенг ашау,
Нёгерлик джашау,
Тюзлюк джашаугъа мен да кирдим;
Зорлукъ кетмейин,
Тюзлюк этмейин,
Джашау тюзелмезлигин билдим.
Ма энди джаным,
Тюйюлген саным
Тамам рахатлыкъда къаллыкъды,
Джашау тенг болуб
Ашау кенг болуб.
Хар ким къыйынын тенг аллыкъды.