Сен кёкге джете мийиксе
Ууакъ тауланы ичинде.
Мияла кибик джылтырай
Къанга бузларынг юсюнгде.

Юсюнгде барды акъ тонунг,
Сен джай да къыш да киесе.
Кюн бузулургъа тебресе,
Боран этерге сюесе.

Кюн ариу, чууакъ турса да
Тохтамайды боранынг
Къыш да, джай да эримейле
Юсюнгдеги бузларынг.

Къарны, бузну джыйыучу,
Юсюне булут къонуучу
Тёгерегине эс ийиб
Таулула къараб тоймаучу.

Кесин бегитмей чыкъгъаннга
Сен башха болмай бир джа.уса.
Сау дунияны башында
Эм белгили бир тауса.

Сенден сора къайсы тауду
Ариулукъ бла бай болгъан.
Башы къыш болуб, бели джаз болуб
Этеклеринде джай болгъан.