Ленин бизге джашау бериб кетгенди,
Барыбызгъа ол осият этгенди,
Партияны ариу, кирсиз сакъларгъа,
Уруннганланы ит къауумдан джакъларгъа,
Алдан алгъа хаман хорлаб атларгъа,
Хорламланы онла бла къатларгъа.
Къаргъаны, къузгъунну билген тилин,
Джашауну узакъдан кёрген Ленин,
Джокъду бизни арабызда ол бюгюн,
Алай а джарытад ол тийирген кюн.
Ленин келгенлей уалдыла джаула-тушманла,
Ленинни ёлгенин эшитиб, джыладыла уруннганла,
Тынгылагъыз, уруннганла,
Багъыр улуну джырына,
Алтын кимса бла джазылгъанды
Ленинни сынына,
Накъут-налмаз салыныбды кешеиесине,
Уруннганланы минут сайын ол тюшеди эсине.
Ленинни кюреши акъыл бла тюзлюкэди,
Он бармагъы аны алтын терек эди.
Ленин туууб, уруннганланы шох этди,
Адам джекген къауумланы джокъ этди.
Ленинни аты джашарыкъды ёмюрлеге,
Аны иши юлгюлюдю кёб эрлеге,
Партиягъа бизни этгенди
Ленин аманат,
Джашауубуз сейирликди, аламат.