Джарлылагъа джашау ачхан, джарытхан,
Онгсуз, онглу айырмайын айнытхан,
Къанлыланы, къанын тёкдюрген,
Къралына джарыкъ джашау этген,
Миллетине нюр чачхан,
Онгсузуна, онглусуна бирча эшик ачхан,
Этген муратын толу табхан,
Ленинни джолу джашасын.
Джаш тёлюсюне окъуу, билим алдыргъан,
Къартланы къарт кюнюнде солутхан,
Артыкълыкъны къралындан къурутхан,
Ленинни джолу джашасын.
Ленини джолу бегимли джолду,
Партия бла джюрюген,
Ленин кёргюзтгенча партия этеди,
Аны бла бирча муратына джетеди.
Бизни партиябыз эршиликни излемейди,
Къралла бла ариулукъну излейди.
Ленинни джолу социализмден коммунизма элтеди
Ленин ёлгенликге сёзю-иши джашайды,
Кюн тийгенча тийгенлей,
Ленинни джолу мийикде барады
Къралына къууанч бергенлей.
Ленин онгсузлагъа джакъ болгъан,
Джарлылагъа сакъ болгъан,
Джалчылыкъдан айыргъан
Къанлыланы къайыргъан,
Емюрлю болсун, бегисин
Ленин кёргюзген джолубуз.
Биз бир джау къралдан къоркъмайбыз
Къурчдан кючлю къолубуз.