Кёб заманны биз джукъладыкъ,
Джукъубуздан уянмай,
Кёб кюрешдик, кёб къыйналдыкъ
Ишни къолгъа джыялмай.

Кимле ханла, кимле бийле,
Башларын уллу кёргенле,
Тынч джашаргъа сюйгенле,
Ишчи халкъдан къан ичгенле.

Эй, бий, къул деб юлешгенле,
Баш байлыкъгъа кюрешгенле,
Къайда энди бий да, къул да
Тенг болдула хар бир ким да-

— Патчах бизни ариу кёргенд,
Джерни саулай бизге бергенд.—
Деб халкъны къоркъутаелле
Болгъанчыгъын джалаелле.

Моллала да тоба этиб:
Бийни, къулну аллах этгенд,
Сюйгенине рысхы бергенд,
Барын къуран бегитгенд.

Эсиргенле, къутургъанла
Башдан акъыл учургъанла
Терсейдиле терс баргъанла
Тюзелдиле тюз тургъанла.