Кёбдю джыйылгъан мюрзеулени санлары,
къууанчлы джашасын аны джыйгъанланы джанлары,
Зынтхы ашаб семиредиле маллары,
Кёб ишлерге сюедиле къоллары.
Айланыбды иги ишлерге аллары,
Джокъду аланы арыулары, талыулары.
Бу мюрзеуден ишлеген бары ашасын!
Мюрзеулени таза джыйдыргъан,
Кенг амбарлагъа къуйдургъан
Уруннганланы барысын да тойдургъан,
Совет власть джашасын!
Ётмеклени эркин этдирген,
Малны игисин кютдюрген,
Сабанланы аламат битдирген,
Миллетлени барын бирикдирген,
Джашауну игисин джетдирген
Совет власть джашасын!
Барлакъланы тракторла сюрелле,
Сабанланы комбайнла оралла
Колхоз джашауну коммунизма бардырлыкъ,
Хар бир кереклинги табдырлыкъ,
Малланы кёбюн кютдюрлюк,
Джерлени эркин сюрдюрлюк
Властыбызны сюйюгюз,
Мюрзеу къадалыб джыйыгъыз!