Москваны алыр муратдан
Немцала бизге уруш ачдыла,
Бизни къызыл аскерле
Къаллай зор дунияны чачдыла.

Ала бизни хорлаялмазлыкъларын
Керек эдиле билирге,
Гитлер план салгъан эди
Онбеш кюнден Москвагъа кирирге.

Туругъуз, эй джигитле,
Биз да аякъ юсюне минейик,
Къазауатха кирейик,
Биз бычакъларыбызны билейик.

Бизни самолётларыбыз
Учуб чыкъдыла мийик таулагъа,
Гитлерни кюню келсин
Бизни сюймеген къанлы джаулагъа.

Уруш тобла атылыб,
Тереклени юзген кюн,
Къылычладан къан тамаед.
Къызыл
Аскер къазауатха кирген кюн.

Уруш тобла атылыб,
Кёк да, джер да титиреб
Джерге тюшюб, чачылыб
Шыбылача кюкюреб.

Елюмсюз джашасынла
Бизни къызыл аскерчиле
Ала бла биргелей
Хар бир коммунистле.