Ударник къызла дырын джыялла
Толтуруб кюнбет таланы,
Шерифаланы бир кёб сагъындыгъыз,
Мен бир айтайым аланы.

Тогъуз сюйгени болгъан Шерифагъа,
Мен сукъланама, ёлеме,
Мен билмегенлей энтда бир къошулуб,
Он болуб тура кёреме.

Тогъуз сюйгенинг тойгъа келселе,
Ала бирер саугъа берирле,
Туугъан джеринги ариу джараталла
Ала къараб сени кёрселе.

Тогъуз сюйгенинг тойда тёгерекде
Алтын хазырланы тизгенча,
Аланы бир-биринден къалай айырайым,
Кюмюш сынджырны юзгенча.

Акъсакъал бёркню биз иерикбиз
Ударник Хурайматны сынаргъа,
Къараб кёрюрге ой биз табмайбыз,
Салыб айтабыз биз джыргъа.