Олтурама, письмо джаза наныма,
Акоплада джырла джазарлай къууана.
Суратынгы салыб туура джаныма,
Къатымдача къарайма сыфатынга.

Элибизден учуб келген булбулчукъ
Хапарынгы меннге айтады,
Тынчды дейди анда ишле, ариучукъ
Джууабынгы меннге алыб къайтады.

Тюшюреме булбулчукъну эсине: —
Къанатынгы къагъыб ийнакъла,
Саугъачыкъны бериб аны кесине,
Мени ючюн аны бир къучакъла.

Ёртен джанад узакъ бизни арабыз
Ишле, наным, хайыр берирсе,
Джауну сюрюб кюнбатханнга барабыз,
Хорламланы джууукъ кёрюрсе.