Таулагъа къараб сейирсинедиле,
Солургъа келген адамла,
Бу мийик таула бир ариу болалла
Джаз кырдык ургъан заманда.

Курорт Тебердиге кёбле келелле,
Джан саулукларын сакъларгъа,
Бери келгенни кёзю къарайды
Ариу курортда къалыргъа.

Курорт-Теберди, махдау санга,
Кёблеге саулукъ бересе,
Джюз-минг адам солургъа келеди
Барын къууандырыб иесе.

Дунияны башында деу саулукъ берген,
Аллай джерлени бирисе,
Хар тюрлю миллет санга келеди,
Барын да бирча кёресе.

Таулада ёсген тюрлю тереклеринг,
Адамлагъа саулукъ бердирген,
Сау дуниягъа белгили болуб,
Халкъны солургъа келтирген.

Германиядан, Полынадан, Къытайдан
Кёб туристле келелле,
Таулагъа айланыб, суратынгы алыб,
Санга кёб махтаула берелле.

Солургъа келген туристле, альпинистле
Доммай талагъа чыгъалла,
Гоначхир талада,
Север палаткада
Суратларынгы алалла.

Джюз минг миллетле алгъыш этелле
Бу эркинликни бергеннге,
Хар тюрлю миллетлени бирча кёрюб,
Курортлагъа солуй ийгеннге.