Мени къолумда къол джаулугъум,
Бууунума салыб джашырдым.
Джанымдан эсе сюйген нанымы
Мен къазауатха ашырдым.

Сен къазауатха кетиб бараса,
Эсенлик бла айланныкъ.
Тенглеринги арасында, наным,
Биринчи болуб сайланныкъ.

Адресннги бери джаз, наным,
Сен баргъан джерге кетерме,
Сени биргенге ол джаула бла
Мен да къазауат этерме.

Сени биргенге мен да барайым,
Джара байларгъа джарарма,
Джауну аллына мен сени салыб,
Ызынгдан къалый къарарма.

Сени биргенге мен да барайым,
Сени биргенгден къалмайын.
Мени да ала барсанг а, наным,
Джюрегиме ауруу салмайын.

Мени бармагъымда джюзюгюм,
Аны бармагъымдан алмагъыз.
Наным келиб ёлюмю кёргюнчю
Мени къабыргъа салмагъыз.

Наным келиб, ёлюмю кёрсе,
Не ауруу болгъанын билдирир.
Мени къабырыма къанга салмагъыз,
Сюймеклик отдан кюйдюрюр.

Менден къыйынлы бир къыз ёсген болмаз
Да мен джашагъан элледе,
Джер джарылыб кюйюб турады
Мен джылаб къабхан джерледе.

Джерге къабланыб джыласам, тенгле
Джылагъан джерим джар болад,
Мени джыламугъум сууукъ суугъа тюшсе,
Ол анда къайнаб пар болад.

Къалай кетейим, къайры кетейим,
Къайда кечинмек этейим,
Наным тургъан джерде от джанады дейле,
Мен джыламайын не этейим.

Сен баргъан джерни кючю кёб болсун
Джау киралмазча къатынга.
Родинангы сакъла, ой иги джаш,
Герой атарла атынга.

Сени геройлугъунг белгили болсун,
Зштилиб Кавказ таулагъа,
Кремльге злтиб берсинле
Ленинни орденин саугъагъа.

Джюз фашист танка
Бир кюн уалсын мени нанымы кючюнден.
Биринчи герой сен болуб чыкъгъын
Сау къарачайны ичинден.