Статьи

Главная » Статьи » Материалы библиотеки » Общие 1

В категории материалов: 774
Показано материалов: 141-160

Страницы: « 1 2 ... 6 7 8 9 10 ... 38 39 »

Сортировать по: Дате · Названию · Комментариям · Просмотрам

Къарачай халкъ джырла
Карачаевские народные песни
Джарашдыргъанла Гочияланы С. А., Ортабайланы Р. А. - К., Сюйюнчланы X. И.

СОВЕТ ДЖЫРЛА

Чам джырла

Ёрге бардым, энишге келдим,
Мен этер мадар табмадым,
Энди менден сени кёлюнг къалмасын,
Сау джети джылны сакъладым.

Къатын къойгъанла сайлаб алалла
Къаратонларын, къартларын,
Мени къатымда сиз кёб сагъынмагъыз
Къан ичгенлени атларын.

Балданым

Джайны кюнлери исси болады,
Кюннге кюедиле санларым,
Джюрегими джауун ашаб барады
Гоккакёз ариу Балданым.

Джайны кюнлери исси да боладыла,
Мен ёлейим да къалайым,
Ариулугъуна сёзюм да джокъ эди
Адамлыгъын кимге сорайым.

Тенглеге этилген чам джыр

Шошай, Тёртмюйюз, Чычхансырт, Ючаякъ
Ходжады быланы башлары,
Бир бек къыйналыб ишлейле дейле
Заболоткинни джашлары.

Бригадир келсе къалай айтырыкъса
Суула сбросха ётгенле,
Шошай, Тёртмюйюз, Чычхансырт, Ючаякъ
Харбыз бачхагъа кетгенле.

Бухарла

Ёзенни энгишге кетиб барама,
Мен да баргъанлай къайтайым,
Эжиу этигиз, иги тынгыларгъыз,
Бухарланы джырын айтайым.

Огъары къатынынг, тёбен къатынынг,
Сохта, саулай юч ёзенни къуршайса,
Бухарны да кийиб, палтонунгу кийсенг,
Тёртмюйюз къочхаргъа ушайса.

Гудучу келинчик

Тауланы башы къаралыб келеди,
Джауум булутла салыныб,
Мени джауум кёрсюн сют башы челекни
Баш къалынчыгъы алыныб.

Урлагъан болуб, урлагъан болуб
Ой гяур налат, билгенинг,
Аллахдан къоркъмай къалай урладынг
Махай къызыны тюменин.

Берне

Анала къызларын алай асырайла,
Бир минут эсинден кетмейин,
Къызчыкъгъа кёлек, къызчыкъгъа чепкен,
Къызчыкъны джылы джетмейин.

Харакет джыяд, ой хадек джыяд,
Хапары чыгъыб элине,
Джылтырагъан къумач къоймай джыйса да
Дагъыда джетмейди кёлюне.

Къатынлы джашха ийнарла

Стол юсюнде машина, анам,
Чоллакъ салгъанма машинагъа,
Он бармагъым он киши болсун
Къатынлы джашха баргъаннга.

Стол юсюнде дагъыда машина,
Къызла чоллакъ салалла,
Аналары джылай тугъанлай,
Къатынлы джашлагъа баралла.

Трактористле

Тракторист дейле, комбайнер дейле
Бу джау кийимни кийгеннге
Ой, он бармагъым он киши болсун
Тракторист джашны сюйгеннге.

Трактор бла кюреше-кюреше,
Юзюлюб къалды беллери
Самолетха лётчик болгъанча кёрюнеди
Трактористлени кёллери.

Ой, экибиз да бирча къызла

Ой, экибиз да бирча къызла,
Бирча чепкенле киейик,
Хулиган джашла орамда кёбдюле,
Ишлеген джашланы сюейик.

Кел, экибиз да ийнар айтайыкъ,
Эм аллы бла сен башла,
Биз экибизни сюйгенлерибиз —
Ала Габа элинде тенг джашла

Кечеги тойлагъа хауле айлана

Кечеги тойлагъа хауле айлана,
Ауруйду эки табаным
Мени къайгъылы нек кёрюнмейсе
Анам, болмагъанмыды заманым.

Бир кесек сабыр этсенг а, джашчыкъ,
Бу табсыз заманны марамай,
Мен сеннге къатын аллыкъ тюлме
Гардош урожайгъа къарамай.

Алгъын акъылым алаи эди

Алгъын акъылым алай эди,
Сатыб алсам да къалмам деб,
Энди акъылым былайды, бала,
Аллах джазса да бармам деб.

Алгъын алай кёрюучен эдим,
Шай стаканда сют кибик,
Энди алай кёреме, бала,
Орамда айланнган ит кибик.

Сыннганды мени джюрегим

Сыннган мияла сауму болады,
Сыннганды мени джюрегим,
Аллахдан тилек тилейме,
Къабыл болурму тилегим.

Стол юсюнде мияла табакъ,
Аны ичинде балийле,
Сюйгенинг келеди деб къоймайла
Ой къуруб къаллыкъ сабийле.

Эки къыз бир джашчыкъны сюйдюле

Эки къыз бир джашчыкъны сюйдюле,
Таякъ алыб бир-бирлерин тюйдюле,
Ичлеринден ташкёмюр отлай кюйдюле,
Экиси да эки письмо джазыб,
Сюйген джашларына ийдиле.
Сюйдюле эсе не табдыла,
Эринлерин къабдыла.

Чам джырчыкъ

Гебенлары, да ушата эсегиз,
Эл чауулладан кетигиз.
Мени кёлюме да алай келеди,
Солтанны исполком этигиз.

Гебенланы да ол къызчыкълары,
Багъыр джамаулу чоюнла,
Локъман — хаким, Солтан —
исполком Кёргюзюрюкдюле оюнла.

Наныкъны кюую

Къарачай халкъ джырла
Карачаевские народные песни
Джарашдыргъанла Гочияланы С. А., Ортабайланы Р. А. - К., Сюйюнчланы X. И.

СОВЕТ ДЖЫРЛА

Сюймеклик джырла, инарла, кюуле

Бюгюн баш кюн, ой беш кюн,
Ий джарлы Наныкъ ёлгенли,
Анам, Наныкъны кёрмеген эдим,
Баш кюн отуннга кетгенли.

Къарнашларынга ырысла дейле,
Мени тенглерим къоймайла,
Эндиден сора кишини сюймем,
Анам, мен сюйгенле онгмайла.

Парисни кюую

Къурт да, къумурсха да чыгъады уясындан,
Малла да чыгъалла бауладан,
Мени джюрегими джылытмагъан джазгъы кюн,
Бузланы эритеди таулада.

Джанымдан эсе да сюйген окъууму,
Энди окъумайма, атама,
Джашлай да кесилген бусакъ терек кибик,
Ауруб больницада джатама.

Мединаны кюую

Багъырбаш джылан келеди,
Аллыбыз сыртны джол этиб,
Сюймегенинге беребиз дейле.
Ой, адамларым зор этиб.

Сюймегениме бергенден эсе,
Джанымы саулай алыгъыз,
Ол ишни этерик, ой, мен тюлме,
Къабырыма саулай салыгъыз.

Ийнарла

Кёкде баргъан кёксюл кёгюрчюн,
Бурулуб тюшдю тенгнзге,
Айт деб айтдырыб, хиликге этмегиз,
Инарла айтайым мен сизге.

Сени къолунгда къобузунг, къызчыкъ,
Аны тиеклери уакъды,
Тарыгъыуларыма тынгылагъыз, тенгле,
Къуран окъугъандан сууабды.

Акътамакъ

Бошбоюн болуб бошадым,
Атамы мюлкюн ташладым,
Эй, кёк къаягъа ёшюн салгъанча,
Бир къыйын ишни башладым.

Ёлтюрме мени этген антыма,
Былай джуукъ олтур къатыма,
Эй, Анисат дерге тамам уялсам
Акътамакъ дерме атынга.

Джазыусуз ишни тутханма

1-20 21-40 ... 101-120 121-140 141-160 161-180 181-200 ... 741-760 761-774

Карачаевцы и балкарцы

Статьи