Бюгюн баш кюн, ой беш кюн,
Ий джарлы Наныкъ ёлгенли,
Анам, Наныкъны кёрмеген эдим,
Баш кюн отуннга кетгенли.

Къарнашларынга ырысла дейле,
Мени тенглерим къоймайла,
Эндиден сора кишини сюймем,
Анам, мен сюйгенле онгмайла.

Къарнашларынга ырысла дейле,
Сен да къобузунгу ал дейле,
Былай кемсиз этме, хариб,
Аны къабырына бар дейле.

Къарнашларыма ырыслайым,
Мен да къобузуму алайым,
Джана келиб джукъланнган
Наныкъ, Джанынга да дженгил барайым.

Къолуна къыбды алгъанды ананг,
Сени кебининги бичерге,
Анангы кёлю бармайды, Наныкъ,
Ариу Къобан суудан ичерге.