Эки къыз бир джашчыкъны сюйдюле,
Таякъ алыб бир-бирлерин тюйдюле,
Ичлеринден ташкёмюр отлай кюйдюле,
Экиси да эки письмо джазыб,
Сюйген джашларына ийдиле.
Сюйдюле эсе не табдыла,
Эринлерин къабдыла.
Эки къыз кирдиле
Тюйюшмекликни чотуна,
Сюйген джашларына экиси да
Таякъ алыб чабдыла.
Керилиб джашны урдула,
Артлары — барыб
Сейирге къараб тохтадыла.
Былай болду чотлары,
Чачыу-къучуу болду артлары.
Экиси да къуру болдула,
Экиси да бир элде къалдыла.
Тамам кёлюм бла сейир этеме
Мен ышармайын, кюлмейин,
Джашны къалай сюесиз
Сиз джашдан хапар билмейин.