Алгъын акъылым алай эди,
Сатыб алсам да къалмам деб,
Энди акъылым былайды, бала,
Аллах джазса да бармам деб.

Алгъын алай кёрюучен эдим,
Шай стаканда сют кибик,
Энди алай кёреме, бала,
Орамда айланнган ит кибик.

Къачаннга дери турлукъма, бала,
Худжу чемоданны кёлтюрюб,
Ах иги сагъан, бир джылар эди
Сюйгенин адам ёлтюрюб.

Джолда джюрюсенг омакъ джюрюйсе,
Ах, джер оюлуб джутарыкъ,
Сюйгенлеринги ой артын этиб,
Мени къолумдан тутарыкъ.