Кечеги тойлагъа хауле айлана Кечеги тойлагъа хауле айлана,
Ауруйду эки табаным
Мени къайгъылы нек кёрюнмейсе
Анам, болмагъанмыды заманым.

Бир кесек сабыр этсенг а, джашчыкъ,
Бу табсыз заманны марамай,
Мен сеннге къатын аллыкъ тюлме
Гардош урожайгъа къарамай.

25 джыл толгъанды анам,
Энди акъыл-балыкъ болгъанма,
Сен айтханнга къараб, анам,
Былтыр да къатынсыз къалгъанма.

Къатын алыргъа акъылынг бар эсе,
Ишле кече кюн да джатмай,
Мен сеннге къатын аллыкъ тюлме,
Гардош кесекчикни сатмай.

Ачханы-бочханы кереги да джокъду,
Мен ачхасыз къатын, аллыкъма.
Сен айтханнга къарасам, анам,
Быйыл да къатынсыз къаллыкъма.

Джангы гардошла гитчеледиле, джаным.
Унчукъну да арты бошалды,
Былтыр бир кесек сары джаучукъ джыйгъанем
Ол да зырафлыкъгъа ашалды.

Къургъакъ сылтауланы кёб этесе, анам.
Джюрегими эки джараса,
Быллай отказны къуруб къойсанг,
Сен да энди сейирге къарарса.

Гардош кесекни ийнансанг, джашчыкъ,
Аны сеннге ышаныб сатдырмам,
Менден эркинликсиз бир адам келтирсенг
Аны арбазыма басдырмам.

Ой менден джарлы болурму, тенгле,
Анам айтханымы этмейди,
Кечеш тойлагъа хауле айлана
Манга аякъ кийим джетмейди.