Ах, Мухаджирим деген заманда
Джер тенгли болад джюрегим.
Финляндияда тас болуб къалгъанд
Къаблан, аслан кибик билегим.

Ах, мени къаргъагъан, мени къаргъагъан
Менлей къыйынлыкъла сынасын.
Къарнашы джокъ болуб, джан-джанын сермеген
Манга тынгылаб джыласын.

Джюрегим саулай кюйюб бошагъанды
Энди тёрт саныма джыйылгъанд,
Къызыл ала къан да къусхаед
Гитлер Онг да билегимден айыргъанд.

Эгечни къарнашха къарны бир бек бурад,
Къарнашны эгешча бурмайды.
Мухаджир кетгенли он кюн
Терезеден джарыкъ урмайды.

Джаратхан аллах бизнича джарлыны
Кёлюнде муратын бермейди.
Тёрт эгечим, къалай этейик,
Мухаджирден письмо келмейди.

Кёлюме былай келеди, Айшат,
Бирер таякъ алсакъ деб,
Мухаджирни излей-излей
Финляндиягъа барсакъ деб.

Мухаджирни излей-излей
Финляндиягъа барсакъ деб,
Мухаджирни табалмасакъ,
Бирер джерде ёлюб къалсакъ деб.

Мухаджирден келген бир къуджур письмо,
Джангур джаууб, кюкюреб.
Минги тау да джылайды письмогъа,
Булут басыб, титиреб.

Мухаджирге эриб тауусулуб барад
Минги тауну бузлары
Мухаджир амалтын къара киелле
Саулай Сынты элни къызлары.