Мыстафа бла Азрет-Алийден
Манга киши хапар сормагъыз,
Кърал ючюн ёлген джашлалла,
Быланы унутуб къоймагъыз.

Былагъа этген мени кюуюмю
Кёб джыйылгъан джерде джырлагъыз,
Къуран окъугъандан эсе сууабды,
Букюуге тынгылагъыз.

Къазауат эте, къазауат эте
Хар джерде алгъа баргъансыз.
Ючюгюз туруучу конный корпусха
Эркиши пример болгъансыз.

Не излеб тёгерегиме къарасам да
Оизнича джигитле кёрмейме.
Бу сизге этген кюуюмю,
Къайда джырларгъа билмейме.

Къумуш элинде мындан ары да
Сизнича джигитле тууарла.
Кёк да, джер да шагъат болсунла,
Сизни къаныгъызны къоймазла.