Журтум чакъырады

Жашайма тапмайын тыннгы
Журтум чакъыргъанча болуп.
Кёзюме кёрюне турадыла мени
Талала гюлледен толуп.

Туусам да тауладан кенгде,
Аккамы xaпaры эсимде.
Кёзюме кёрюне турады Минги Тау -
Бузлары жылтырай юсюнде.

Алжалла деп бизге къыйнала
Эрий да болур бузлары.
Кёзюме кёрюне турады
Къарт-Журтда аккамы ызлары.

Теберди, Жёгетей, Учкъулан,
Сизге термилгенлей турама.
Ол аккам ичген сууладан
Тюшюмде ичгенча болама.

Бир бек къыйналады жюрегим
Аллай тюшле кёрюп уянсам,
Ёлсем да жарылыр къабырым,
Журтуму кёралмай къалсам.

Журтундан кенгде

Журтундан кенгде къалгъан адамны
Билирсе жюреги жара болгъанын.
Журтун кёрмей ёлген адамны
Эшитирсе къабырында жылагъанын.

Атала туугъан жерлени сыйларын,
Хурметлерин да туудукъла кёрелле.
Алай а аны керти багъасын узакъдан
Кече, кюн да термилгенле билелле.

Сюймеклик неди?

Сабийле дуниягъа кёз ачханлай,
Ышарып тебирейле.
Жаш, къыз да табийгъатны
Алагъа берген сезимин

Бир эшикни къыйырындaн къaрaп
Кёргенчa, кёрселе,
Aлa сaбий зaмaнлaрындa
Ышaргъaнчa ышaрaдылa.

Жaрыкъ жaшayну
Биринчи сюймеклиги эсе,
Сюймеклик да жюрекни
Биринчи жaрыгъы тюлмюдю?

Айжарыкъ

Биреy билмейди мaлыны сaнын,
Бирси мaxтaйды жайлыгъын.
Ырысxым жокъду, жюрегимдеги
Сюймекликди мени байлыгъым.

Жангылама деп кёлюме келеди,
Тап боллукъ эди: «Кюнжарыкъ», - десем.
Не сууукъда да санларыма
Жылыу урады санга тюбесем.

Ол жюрекни бергенме санга,
Айжарыкъ деп атап сени атынга.
Тюбеген жерде кёзюмю алмай,
Мен къарайма нюр сыфатынга.

Алай жолунга, кёре турургъа,
Жол ачмайды хаман да къадар.
Абезекге тутсам бир тойда,
Кёлюмю айтыргъа табама бир мадар.

Сен тынгылайса, аз кёз жетдире,
Тойгъа жыйылгъан жууукъгъа, тенгнге,
Сен айтмасанг да разылыгъынгы
Жюрек тылпыуунг билдиреди менге.

Заман барады

Заман къaлaй кетип бaрaды,
Эмиликчa, кишиге бермей бой.
Xоншуму жашчыгъы жетгенди,
Юйленеди, этиледи той.

Жарыкълыкъ келгенди тийреге,
Мени да чакъырадыла ары.
Aлaй а жюрегим мыдaxды,
Эсим кетипди бaшxa жары.

Ол тойда сен жокъса, жаным,
Къайдаса, билмейме мен аны.
Сюймеклик ёртенни ичинде
Къызады жюрекни къаны.

Излейме xaр жерде сени,
Жaшayум болгъанды мутxуз.
Уллу муратларым сёнгнгенча
Кёл чыракъ жанады умутсуз

Заман а барады, барады,
Тыяргъа жетмейди къaрыyум
Жангызлыкъ насыбдан кенгдеди,
Къайдаса, къайдаса, ариуум?