НАРТЛА! МАЛКЪАР - КЪАРАЧАЙ НАРТ ЭПОС
НАРТЫ! ГЕРОИЧЕСКИЙ ЭПОС БАЛКАРЦЕВ И КАРАЧАЕВЦЕВ

ТЕКСТЫ

IV. ДЕБЕТ — АЛАУГАН — КЪАРАШАУАЙ

Алауганлары онтогъуз къарнаш болгьандыла. Эм тамадалары — Алауган. Барысы да юйленмей тургъандыла. Алауган барындан да уллу сюекли болгъанды. Кесин сант кибик этиб джюрютгенди. Эки ёгюз терини ийлеб, созуб, эки аягъына эки чабыр этиб, чабырларыны ичлерине бирер гебен биченни салыб, алай кийгенди.

Бир кюн джашла аталарына айтхандыла:

— Бир кишини, бир къатынны онтогъуз къызы болгъанланы табыгьыз бизге.

Ала джашагъан элде аллай юйдеги болмагьанды да, аталары джолгьа чыкъгьанды. Бек кёб айланыб, алай а аллай юйдеги табалмай, ызына келе тургьанлай, бир дуппурну башында бир къатынны кёргенди. Сора анга кюнашхы бергенди да:

— Айыб этме, не излейсе? — деб соргъанды.

— Да нек айыб этеме, амалсыздан джолоучу болгъанма, онсегиз къызым барды да, бир къатынны, бир кишини джашлары болуб, онсегиз джаш излей айланама.

— Хы! Мен да сенича болуб айланама, алай а мени джашларым онтогъуздула. Ким билсин, барыб джашлагьа бир сорайым. Ала разы болсала, онсегиз къызынгы да келин этейим,— деб, юйюне баргьанды.

Былай-былай деб, джарашдырыб, хапар айтханды. Къалгъанла тынгылагьан- дыла. Эм гитчелери уа:

— Алауган къалса да, хата болмаз, биз, къалгъанла, ол онсегиз къызны алайыкъ,— дегенди.

Аталары да, джашла да огъай демегендиле. Барыб, ол онсегиз эгечни келтириб, уллу той-оюн этгендиле. Алауган а къатынсыз къалгъанды.