Болат-Хымычны мен айтайым,
Уой, уорайдара,
Жауурун кенгин мен айтсам,
Уой, уорайдара.
Жети къулач бола эд
Уой, уорайдара.
Белини кенгин мен айтсам,
Уой, уорайдара.
5 Эки къулач бола эд,
Уой, уорайдара.
Эки ариу къатыны бар эди,
Уой, уорайдара,
Ала жамычы этелле,
Уой, уорайдара.
Атха миннген заманда,
Уой, уорайдара.
Къыйналмаз кибик жамычычыкъ,
Уой, уорайдара.
10 Бир чёргеми пуд тартхан,
Уой, уорайдара.
Алайдагъы да жюз жюнден.
Уой, уорайдара.
Ала тыпыл басалла,
Уой, уорайдара.
Ал ар тыпыл басалла,
Уой, уордара.
Алар «Ийнай» айталла,
Уой, уорайдара.
15 Хымыч а таянып тура эди,
Уой, уорайдара.
Ала жукълап а сундула,
Уой, уорайдара:
— Хымыч а бизни къойса да,
Уой, уорайдара.
Ауар ханга барлыкъды,
Уой, уорайдара.
Ауар ханны къызын аллыкъды,
Уой, уорайдара.
20 Жюз атлы да нёгери,
Уой, уорайдара.
Жюз арба жюгю да къумачы,
Уой, уорайдара.
Ехтем киши болур эд,
Уой, уорайдара.
Секирип ёре уа тургъанды,
Уой, уорайдара.
— Атым Хымыч болмасын,
Уой, уорайдара.
25 Ауар ханга бармасам,
Уой, уорайдара.
Ханны къызын алмасам,
Уой, уорайдара.
Ол атланып кетгенди,
Уой, уорайдара.
Ауар ханга баргъанды,
Уой, уорайдара.
Анда илишан аталла,
Уой, уорайдара.
30 Къызын ёчге салгъанды,
Уой, уорайдара.
Кюзпоню башына ийне чанчып,
Уой, уорайдара.
Анда илишан аталла,
Уой, уорайдара.
Илишанны киши урмайды,
Уой, уорайдара.
Болат Хымыч атханды,
Уой, уорайдара.
35 Ийнени белинден къыркъгъанды.
Уой, уорайдара.
Жюз атлы да нёгери,
Уой, уорайдара,
Атланып, ала тебирелле,
Уой, уорайдара.
Арбаланы уа аллары,
Уой, уорайдара.
Хымычны къабагъына киргенде,
Уой, уорайдара.
40 Къатынлары артха бурдула,
Уой, уорайдара.
— Бизни Хымычны тюйюлдю,
Уой, уорайдара.
Кимни эсе да Хымычны тюйюлдю,—
Уой, уорайдара.
Деп а артха бурдула,
Уой, уорайдара.
Алай эте тургъанлай,
Уой, уорайдара,
45 Болат-Хымыч жетгенди,
Уой, уорайдара.
— Сен бурдунг,— деп да бири айтды,
Уой, уорайдара.
— Сен бурдунг,— деп а бири айтды,
Уой, уорайдара.
Бири алды эшик къылычны,
Уой, уорайдара.
Бири алды кюрекни,
Уой, уорайдара.
50 Бир бири башын жардыла,
Уой, уорайдара.