Кёкле тюбюнде кёкбаш юйюгюз,
Ол мийикди кёкледен,
Сенден умут этиб, ариуум,
Къуру къалгъанма кёбледен

Кёкле тюбюнде кёкбаш юйюгюз,
Кёгюрчюнле келиб къоналла,
Джарыкъ джаныучу лампаларыбыз
Сени кёрюб мутхуз джаналла.

Ойра, къолунгдагъы сени къобузунг,
Кюнню таякъларын тартады,
Кюн да сейирсиниб, тохтаб къараб,
Эки сагъат артха батады.

Кёкле тюбюнде кёкбаш юйюгюз,
Кюнча тиеди Марагъа,
Зухра, ариучукъ, бир ышарсанг а
Манга айланыб къара да.

Фотографиянгы, ойра, картчыгъынгы,
Табханбыз Черкесияда,
Бири бирибизден алыб къарайбыз,
Картчыгъынгы саулай дивизияда.

Простой кийим киймей, Зухра,
Кабрикот, шивиот киесе,
Алтаулан болуб сени сюебиз,
Сен къайсыбызны сюесе.

Зухра, ариу, экибиз бир болсакъ,
Хауада шахар салырбыз.
Зухра ариугъа кюеу нёгерге
Самолет бла барырбыз.

Простой кийим кийме, Зухра,
Кабрикот, шивиот киербиз,
Ойра, джашчыгъыбыз уллу болса,
Красноармиягъа иербиз.