Бу сюймекликден киши да ёлмейди,
Мен сюймекликден ёлеме,
Эресейни бютеу айланыб,
Сенден ариу кёрмей келеме.

Алтын чач таракъчыкъ мен да аллыкъма
Бурма чашчыгъынгы тараргъа,
Самолет бла бара турлукъбуз
Москвада циркге къараргъа.

Атмосферада юйле салдырлыкъма,
Бир ариу хауала урады,
Мен генератор болурма, ариучукъ,
Сен да приемник болурса.

Мен сокъуранныкъ тюлме, ариу,
Санга этген антыма,
Кёкде къанатлыла джылаб къонадыла, —
Ай хариб сен — деб. къатыма.

Ичимден чыкъгъан мени тылпыуум
Кюннге этеди кёлекке,
Бу сюймекликни кёлтюралмайын
Эки джарылалла джюрекле.

Верховный Советге письмо джазарыкъма
Бу сюймекликни сюзерге,
Сенден тюнгюлсем бериб кетерикме
Тихий океаннга джюзерге.