Юсюнгдеги къапталынг
Итиу бла ургъанлай.
Юсюнге барыб къалгъаем
Къазауат эте тургъанлай.

Джашлагъа къаптал этгенме
Краснаны морундан.
Джашланы аллах сакъласын
Японияны зорундан.

Мындан къараб таныйма
Чалкъычыла аугъан айрысын.
Аллах джюрегиме салгъанд да
Кетмейди ёксюз Махтайны къайгъысы.

Атам дерге атам джокъ
Анам дерге анам джокъ.
ёксюз згечиме хапарымы ким айтсын,
Бюгюнлюкде хатам джокъ.

Осман джигит джаш эдда
Миннген атын арытды.
Махтай джигит джаш эдда
Адамлыгъын танытды.

Баууруму салыб джатама
Къолну къысыр бузуна,
Салам къагъыт джазсанг а
Атангы эки къызына.

Джюрегими салыб таяндым
Къобанны къадау ташына
Зекерья, къагъыт джазсанг а
Атангы эки джашына.