Нартда барды беш батыр,
Ори, орада!
Бири артыкъ бек батыр!
Ори, орада!
Жолда ала от жарыкъла кёрдюле.
Ори, орада!
— Барыр эдик — эл жокъду,
Ори, орада!
5 Къайтыр эдик — къош да жокъду,
Ори, орада!
Энди алайгъа барыргъа,
Ори, орада!
Ёрюзмек, сенден алф жокъду.
Ори, орада!
Ары кетди Ёрюзмек,
Ори, орада!
Кёзюлдюреуюк бар эди.
Ори, орада!
10 Аны тартып къарады:
Ори, орада!
«Къынгыраякъла кёреме!»
Ори, орада!
Къатларына къысылды.
Ори, орада!
— Айхай, айхай, Ёрюзмек,
Ори, орада!
Желпегейинги къоя кел, маржа,
Ори, орада!
15 — Желпегей деген не затды?
Ори, орада!
Алай айтыргъа къоркъалла.
Ори, орада!
Бирлери да айтды аны:
Ори, орада!
— Юсюнгдеги тонунгду!
Ори, орада!
— Терк къорагъыз сиз, аманла!
Ори, орада!
20 Бёрю тери сизге не этед?
Ори, орада!
Андан да узакъгъа къачдыла.
Ори, орада!
Желпегейни тешди Ёрюзмек,
Ори, орада!
Ичлерине кирди Ёрюзмек.
Ори, орада!
— Атанг антлы жууугъубуз эди,
Ори, орада!
25 Сени да жууукъ этейик,
Ори, орада!
Къыз керек эсе да, берейик.
Ори, орада!
Тепсей эди Ёрюзмек.
Ори, орада!
Къызладан да бирин алып,
Ори, орада!
Тепсей тургъан заманда,
Ори, орада!
30 Танг да атып башлады.
Ори, фрада!
— Жибер, Ёрюзмек, — деп тилейле.
Ори, орада!
Бу да аны жибермейди.
Ори, орада!
Кёп ариу затла кёргюзтдюле.
Ори, орада!
— Бу алтыпланы берейик, —
Ори, орада!
35 Къызны энди жибер, — дейле.
Ори, орада!
Жибермейди Ёрюзмек.
Ори, орада!
Танг атды, кюн тийди,
Ори, орада!
Тауушларын эшитеди,
Ори, орада!
Кеслерин а кёрмейди Ёрюзмек.
Ори, орада!