Нартны бии нарт Ёрюзмек,
Ори-ори-рау!
Тиши тюшген къарт Ёрюзмек,
Ори-ори-рау!
Ерюзмек деген ёзденед,
Ори-ори-рау!
Белибауу джезденед,
Ори-ори-рау!
5 Кёнчеги да маймёзденед,
Ори-ори-рау!
Ёрюзмек а бир къарангы кече
Атланыб тебрегенед
Ори-ори-рау!
Бир узакъ джерде бир от джарыкъ кёргенед.
Ори-ори-рау!
Салыб ол от джарыкъгъа баргъанед,
Ори-ори-рау!
10 Ёрюзмекни чычхан сыртлы сары аты,
Ори-ори-рау!
Эки къулагъын аллына тутуб тохтагъанед,
Ори-ори-рау!
«Ай, аман ат», — деб, эки джамызына къамчи бла
Кючлю-кючлю ургъанед,
Ори-ори-рау!
Барса уа, тёгерек тутуб тургъан
15 Бир уллу тойгъа баргъанед,
Ори-ори-рау!
«Ёрюзмек келди, Ёрюзмек келди!» — делле дейд,
Ори-ори-рау!
«Къайдан чыкъдынг, нартны бии нарт Ёрюзмек?» — деб,
Аллына чабыб, атдан тюшюрдюле,
Ори-ори-рау!
Атын элтиб ат илкичге такъдыла,
Ори-ори-рау!
20 «Кел, кел, кел, джууукъ бол», — деб,
Кесин тойгъа тартдыла,
Ори-ори-рау!
Эки джанына эки ариуну салдыла,
Ори-ори-рау!
«Онгнга, онгнга!» — деселе, онг джанына бараед,
Ори-ори-рау!
«Солгъа, солгъа!» — деселе, сол джанына бараед,
Ори-ори-рау!
25 Андан сора Ёрюзмекни олтуртдула,
Ори-ори-рау!
Аллына да къазандан чыгъарыб исси этлени салдыла,
Ори-ори-рау!
«Бисмилля», — деб, къарт Ёрюзмек узалгъанлай,
Джыйылгъан миллет тас болду,
Ори-ори-рау!
Аллында тургъан исси этле ат бокъ болду,
Ори-ори-рау!
30 Аты тагъылгъан темир илкич эски къаура болду,
Ори-ори-рау!