Нартла, жорта, Кёсе таугъа жетдиле,
Тёбелеча, эмегенле кёрдюле.

Нарт батырла садакълагъа болдула,
Садакъларын алагъа терк бурдула.

5 Нарт батырла тёгерекни алдыла,
Эмегенле къаяланы ойдула.

Гыйыланы алып атдыла,
Нарт батырла къауум-къауум чапдыла.

Эмегенле, ачыуланып, къая ташла къапдыла,
10 Кёсе таудан къула тюзге къачдыла.

Деу Ёрюзмек къычыргъанды, хахайлап:
— Эмегенни тауусугъуз! — деп, туайлап.

Нарт Ерюзмек сырпынын булгъай эди,
Аууз жели булутланы чача эди.

15 Сырпыны да элияча чакъгъанды,
Эмегенни бир ургъанлай жыкъгъанды.

Сырпыны да къулач-къулач созулгъанды,
Керек болса, ол ызына жыйылгъанды.

Алф Ёрюзмек токъсан кюнню урушханды,
20 Тейри, бары къалмай анга болушханды.

Эмегенни къоймай, артын этгенди.
Нарт элине сора тынчлыкъ келгенди.