Эртте, эртте заманлада,
Минги тауну къатында,
Ойта, ой, орира!

Нартла алайда жашай элле,
Ташны, тауну ашай элле,
Ойта, ой, орира!

5 Ёлет кирген кюнледе,
Минги таудан къачдыла.
Ой, ой, ой, ой, ой, ой, ой!

Бир бирлерин къыра элле,
Тапханларын чача элле,
Ой, ой, ой, ой, ой, ой, ой!

Алф таугъа бардыла,
10 Дарман излеп Алф таудан,
Ой, ой, ой, ой, ой, ой, ой!

Къылычларын къайракълагъа билелле,
Кюн Тейридсн: «Ёлетинги ал!» — деп тилелле.
Ой, ой, ой, ой, ой, ой, ой!

Кюн Тейриси болушмады алагъа,
Ёлет къырыну тохташмады нартлагъа.
Ой, ой, ой, ой, ой, ой, ой!

15 Алайдан нартла, чыгъып, кетдиле,
Бара кетип, бир дорбуннга жетдиле,
Ой, ой, ой, ой, ой, ой, ой!

Ол дорбундан чыгъа элле жилтинле.
Кёкню, жерни кече этген тютюнле,
Ой, ой, ой, ой, ой, ой, ой!

Жыладыла, Кёк Тейриге, жалбарып,
20 Тиледиле, От Тейриге, жалынып,
Ой, ой, ой, ой, ой, ой, ой!

Кёк Тейриси болушмады нартлагъа,
От Тейриси болушмады алагъа.
Ой, ой, ой, ой, ой, ой, ой!

Ёлет бла тауусулдула ол нартла,
Минилмейин къалгъан элле нарт атла.
Ой, ой, ой, ой, ой, ой, ой!

25 Ёлет бла нартла ёлюп кетдиле,
Таурухлары бабаладан бизге жетдиле.