Энтда келди ачы ёлюм,
Аны кюйсюз бетин кёрдюм,
Мутхуздула эки кёзюм,
Аллах берсин манга тёзюм.

Сакъламадыкъ жау къонакъны,
Кече келип, эшик къакъды.
Анга тюбеген а – хакъды,
Ол аллахдан аман тапды.

Жолоучубуз, ач дедиле,
Жол усталлыкъ тиледиле.
Къайдан билдик, ким эдиле,-
Бизге бичакъ биледиле!

Жарлы бала, чыгъып кетдинг,
Бир сагъатдан ёлюп келдинг.
Ананга сен бушуу бердинг,
Жарлы жюрегин кюйдюрдюнг.

Жау къонакъны билалмадым,
Жолдан тартып тыялмадым.
Сени кёрюп туралмадым,
Тилим тартыла, жилядым.

Хуруят байрагъын алгъан,
Аны хакъ жолунда баргъан,
Жаш болсанг да, башда болгъан,
Тюзлюк ажашмагъан.

Бандитле кёп чыкъгъандыла,
Кёп игини жыкъгъандыла.
Сени ала жутхандыла,
Атангы улутхандыла.

Бу жазыу дегенинг неди,
Къара кюнле кёргюзтеди.
Жашланы кёрге элтеди,
Жау чыракълай эритеди.

1942