Мен айтханнга тынгылагъыз,
Айтханныв ангылагъыз,
Шашар жолда сиз бармагъыз,
Жюрекге ачыу салмагъыз.

Тамата оноуну бичди,
Миллетге кечерге тюшдю,
Терси, тюзю айырылмай,
Бу не аламатлыкъ ишди?

Азыкъсызлай чыкъдыкъ жолгъа,
Къайгъы бла арып, талып.
Елген – елюп, къалгъан – шашып,
Асламыбыз жолда къалып.

Душман оту жетди бизге,
Терслик болду бу жол итюзге.
Башыбыз тюшдю сезге,
Эрши керюндюк кезге.

Толтургъанбыз вагонланы,
Таныгъанбыз къурч жолланы,
Тюзетирле законланы.
Тезюм болсун аз заманны.

Аз болгъанды къарыуубуз,
Эрши болду ариуубуз,
Былай болса барыуубуз,
Болмаз бизни жарыуубуз.

Аман болду жашауубуз,
Татыусузду ашауубуз,
Къыйындан жокъ бошауубуз,
Телилегеди ушауубуз.

Сууудула тири санла,
Эридиле жюрек жаула,
Къыйналалла жарлы жанла,
Сыраф болду колхоз малла.

Жерибизге душман келди,
Бизни жокъ этерге деди.
Жетмез бизге ассы дерти,
Кеси кетер таудан кери.

Ишди сизни жашатырыкъ,
Ариу кийип, ашатырыкъ,
Быллай тар жолгъа тюшгенде
Намыс бла бошатырыкъ.

Халкъымдан тилеп айтама,
Ишлегиз, ишни къоймагъыз.
Къоркъмагъыз, сиз къутулурсуз,
Къол жетдирип, бет жоймагъыз.

1944