1
Иймамгъа уюгъан киши –
Барды аны билир иши...

Сатырланы къынгыр этме,
Бирсиледен артха кетме.

Жёнгерингден алгъа турма,
Къыбыладан бетни бурма.

Араланы кенг къоймагъыз,
Шайтанлагъа жер къоймагъыз.

2
Иймамгъа уюсанг наадан,
Окъума сен анда Къуран.

Рукъугъуна жетишмесенг,
Тасхиб къадар этишмесенг,

Рукъугъ сежда женгил этсенг.
Намаз этген сунуп кетсенг,

Ырысхынг такъыр болур,
Жашауунг факъыр болур.

3
Рукъугъ сежда ашыгъыш этген,
Адетинде турмай кетген, –

Намазындан урлай тура,
Жалгъан айтсам – китап сура.

Иймамгъа уюгъан киши –
Аны барды билир иши, –

Намазындан урламасын,
Малгъун Ибилис алдамасын.

4
Сюннет къылгъан – жууукъ турмаз,
Сатыргъа къошулуп къылмаз.

Эснегенде – аузун жабар,
Ачып турса – шайтан убар.

Иймамгъа уюгъан киши –
Барды аны билир иши.

5
Иймамгъа уюгъан киши –
Барды аны билир иши.

Иймам этмей, рукъугъ этмез,
Сеждагъа да аллын кетмез.

Жерге салыр бурнун, къашын,
Иймам алмай, алмаз башын.