Статьи

Главная » Статьи » Материалы библиотеки » Алийланы Солтан - Къарачай халкъны эл берген джомакълары

Ууакъ джаныуарла

Къарачай халкъны эл берген джомакълары

Джаныуарла

1247.
Къардан эсе акъ алаша,
Джан-джанына сакъ алаша.
(Агъаз.)

1248.
Таш арада — акътёш кючюк.
(Агъаз.)

1249.
Ийнесиз-халысыз хар этген.
(Ау гыбы.)

1250.
Кеси — талгъыр,
Башы — багъыр.
(Багъырбаш чибин.)

1251
Бир къалада — минг къарнаш.
(Бал чибинле.)

1252.
Джыз-джыз джыз этер,
Тенгизден ётер.
(Бал чибин.)

1253.
Къарангы юйде къумач согъа.
(Бал чибин.)

1254.
Кёзге илинмез бою бар,
Адам ашар ою бар.
(Бит.)

1255.
Къара агъачда — алтаякъ эчки.
(Бит.)

1256.
Къара-тору секиртме.
(Бюрче.)

1257.
Къулагъы-къуйругъу болмагъан,
чынгагъандан тоймагъан.
(Джер макъа.)

1258.
Тау тюбюнде — тору алаша.
(Джубран.)

1259.
Чыракъ тюлме — джарытама,
Кюзгю тюлме — къаратама.
(Джылтырауукъ къамжакъ.)

1260.
Ханс ичинде джашаучу,
Ишлемейин ашаучу.
(Каска.)

1261.
Бир къара кишичик сыртдан аууб бара.
(Къамжакъ.)

1262.
Бела-бела бела атым,
Бели ингичке къолан атым,
Таугъа минее — талмаз атым,
Талау тийсе — къалмаз атым.

а) Кюрен-кюрен кюрен атым,
Бели ингичке джюрюк атым,
Таугъа минее — талмаз атым,
Талау тийсе — къалмаз атым.
б) Къулан-къулан къулан алаша,
Бели ингичке къолан алаша,
Таугъа минее — талмаз алаша,
Талау тийсе — къалмаз алаша.
в) Пелям-пелям пелям алаша,
Бели ингичке къолан алаша,
Таугъа минее — талмаз алаша,
Талау тийсе — къалмаз алаша.
г) Таудан ауса — талмаз атым,
Талау тийсе — къалмаз атым.
(Къумурсха.)

1263.
Бир тёбеде минг къарнаш.
(Къумурсхала.)

1264.
Тау тауну кёлтюре,
Таулу къызын келтире.
(Къумурсхала кёчген.)

1265.
Кёзю кёрмез,
Кёпюрден ётмез.
(Лобан.)

1266.
Сабанлагъа къонар,
Битимлени тонар.
(Маджа.)

1267.
Джаз тууа да джаз еле.
(Малгар къажжакъ.)

1268.
Бир егюзюм барды да,
Къусханы дарман болады.
(Мешин къамжакъ.)

1269.
Бир ойнаучум барды да,
Ёмюрю аркъандан тюшмейди.
(Рысхы гыбы.)

1270.
Къарангыда джашай да, -
Джарыкъда еле.
(Сууалчан.)

1271.
Башы — таш,
Тюбю — таш,
Ортасында — баш.
(Таш макъа.)

1272.
Бир силегей текем барды да,
Ёмюрю баудан чыкъмайды.
(Текеле мюйюз.)

1273.
Бурунчугъу миз кибик,
Къуйрукъчугъу тюз кибик.
(Ургъуй.)

1274.
Кеси гитче — джыры уллу.
(Ургъуй.)

1275.
Эки джакына да тенг джюрюй.
(Чабакъ къурт.)

1276.
Бир къызым барды да,
Ауузу бла джибек эшеди.
(Чилле къурт.)

1277.
Къабчыкъланы тешиучю,
Сауутлагъа тюшюучю.
(Чычхан.)

1278.
Аслан кёллю,
Къаплан джюрекли.
(Эрмен киштик.)

↑ Наверх ↑ | Содержание | Сюйрелиучю джаныуарла | Юй къанатлыла

Категория: Алийланы Солтан - Къарачай халкъны эл берген джомакълары | Добавил: Gornaya_Zvezda (31.03.2014) | Автор: Алийланы Солтан

Просмотров: 1032 | Теги: Ууакъ джаныуарла

Всего комментариев: 0

Карачаевцы и балкарцы

Статьи