Статьи

Главная » Статьи » Материалы библиотеки » Алийланы Солтан - Къарачай халкъны эл берген джомакълары

Юй къанатлыла

Къарачай халкъны эл берген джомакълары

Кьанатлыла

1279.
Бир къызым барды да,
Кёлге кирсе — суу къонмайды.
(Бабуш.)

1280.
Башчыгъы — джилек,
Сакъалчыгъы — джибек.
(Гугурукку.)

1281.
Башы — таракъ,
Къуйругъу — оракъ.
(Гугурукку.)

1282.
Джюз къатынны — бир эри.
(Гугурукку.)

1283.
Къарангы баудан къаугъа чыкъды,
Акъсакъал къарт алда чыкъды.
(Гугурукку.)

1284.
Чилли-чилли берклю.
(Гугурукку.)

1285.
Не анасы табмагъан,
Не атасы табмагъан.
(Джюджек.)

1286.
Келиними бир баласы —
Къалгъанладан багъалы.
(Зайын.)

1287.
Узун боюнлу,
Джумушакъ къоюнлу.
(Къаз.)

1288.
Бир къызым барды да,
Ёмюрю усу ачылмайды.
(Кърым тауукъ.)

1289.
Бир къызым барды да,
Суу ичсе — кёкге къарайды,
(Тауукъ.)

1290.
Бир къызым барды да,
Джел урса — госю ачылады.
(Тауукъ.)

1291.
Къол бла бир саугъасы,
Эл бла бир къаугъасы.
(Тауукъ.)

1292.
Джанлыдан — джансыз тууа,
Джансыздан — джанлы тууа.
(Тауукъ бла гаккы.)

1293.
Бир анада — джыйырма бала,
Барысы да бир джылгъы.
(Гурт тауукъну джюджеклери.)

1294.
Ингирде экинди намаз бла джатадыла,
Эртденбла эртден намаз бла къобадыла.
(Тауукъла.)

↑ Наверх ↑ | Содержание | Ууакъ джаныуарла | Кийик къанатлыла

Категория: Алийланы Солтан - Къарачай халкъны эл берген джомакълары | Добавил: Gornaya_Zvezda (31.03.2014) | Автор: Алийланы Солтан

Просмотров: 1017 | Теги: Юй къанатлыла

Всего комментариев: 0

Карачаевцы и балкарцы

Статьи