Статьи

Главная » Статьи » Материалы библиотеки » Алийланы Солтан - Къарачай халкъны эл берген джомакълары

Терекле

Къарачай халкъны эл берген джомакълары

Есюмле

1021.
Есюмю бар да атламы джокъ.
(Агъач.)

1022.
Акъ тау — аякъ ыздан толу.
(Айю тырнакъ.)

1923.
Бети — акъ, чачы — бурма.
(Акъ къайын.)

1024.
Къара къаптал кие,
Тюзшо-тауну сюе.
(Къара къайын.)

1025.
Бир келиним барды да,
Бир айгъа минг сабий ёсдюреди.
(Балки Терек.)

1026.
Бир къызым барды да:
Джел урса,чачы джылтырайды.
(Бусакъ.)

1027.
Узун субай ёсгени,
Акъсыл чепкен кийгенй.
(Бусакъ.)

1028.
Тау башында — кёк кирпи.
(Гагарак.)

1029.
Бир къызым барды да,
Эл мынчакъларындан тартады.
(Гургум терек.)

1030.
Бир къызым барды да,
Кёзлери джырда айтылады.
(Дугъум терек.)

1031.
Чачы — бурма, тили — ачы.
(Залыкъылды.)

1032.
Терегинден тай бола,
Кёгетинден шай бола.
(Джабышмакъ терек.)

1033.
Бир гошгоп къызым барды да,
Ёмюрю бел къатдыралмайды.
(Джумукъул терек.)

1034.
Акъ къалада — бир бийче:
Ёмюрю суу ичмейди,
(Джюзюм,терек.)

1035.
Бир къызым барды да,
Эшмеси хар джерге нлинеди.
(Джюзюм, терек.)

1036.
Бир къызым барды да,
Мынчакъларьш кёлтюралмайды.
(Джюзюм,терек.)

1037.
Тырнакълары аслан кибик,
Мынчакълары аслам кибик.
(Итбурун терек.)

1038.
Алаша тау ашдан тола,
Къабсанг — ауузунг къалын бола.
(Къарагёген терек.)

1039.
Джаз келгенлей, чагъама,
Сыргъаларымы тагъама,
Къулакъларым шууулдайла,
Сыргъаларым къымылдайла.
(Къайын терек.)

1040.
Бир къызым барды да,
Минг сыргъа тагъады.
(Кёгет терек.)

1041.
Хар джылда бир табхан,
Бир кереде минг табхан.
(Кёгет терек.)

1042.
Эки эгечни:
Бири къызыл кие,
Бири къара кие.
(Къызыл дугъум бла къаря дугъум.)

1043.
Бели узун — чачы къысха.
(Наз терек.)

1044.
Бир къызым барды да,
Халкъ аны белине сукъланады.
(Нарат терек.)

1045.
Бир къызым барды да,
Джашил чепкенин тешмейди.
(Нызы терек.)

1046.
Къышыбыз джокъ,
Джайыбыз джокъ,
Биз кёгергенлей турабыз;
Дуния бары саргъалса,
Биз тюрленмей къалабыз.
(Нызы бла нарат.)

1047.
Бир къызым барды да,
Суу бойнундан таймайды.
(Суу тал.)

1048.
Чачакъ-чачакъ чачы,
Сютю туздан ачы.
(Такъюзюк терек.)

1049.
Джай кийинир,
Къыш тешинир.
(Терек.)

1050.
Бир къызым барды да,
Чачы кюнню тыяды.
(Терек.)

1051.
Бир къызым барды да,
Хар джылда чачы тюшеди.
(Терек.)

1052.
Ай кёрмеген,
Кюн кёрмеген,
Терек бла тенг ёсген.
(Терекни ёзеги.)

1053.
Эшмелери кёк,
Ийнелери кеб,
Эмчеклери кысты,
Берген сютю мысты.
(Тюртю терек.)

1054.
Ичи толу — къарын богъу.
(Уллёзек.)

1055.
Бир чыпчыгъым барды да,
Къачха дери учмайды.
(Чапракъ.)

1056.
Бир анада — минг бала,
Бары юсюне тагъылыб.
Аяз урса шыбырдайла
Бары анга тарыгъыб.
(Чапракъла.)

1057.
Бир терекде — джюз уя,
Джюз уяда — джюз бала.
(Чёртлеуюк кёкея.)

1058.
Башы — таякъгъа,
Ашы — джаякъгъа.
(Чум терск.)

1059.
Бир къызым барды да,
Тюклю мынчакъла тагъады,
(Чынар терек.)

1060.
Акъ кёзлю, къызыл кирпикли
(Шаптал терек.)

1061.
Къолда — темир,
Отда — кёмюр.
(Эмен.)

↑ Наверх ↑ | Содержание | Бачха битимле | Хансла

Категория: Алийланы Солтан - Къарачай халкъны эл берген джомакълары | Добавил: Gornaya_Zvezda (31.03.2014) | Автор: Алийланы Солтан

Просмотров: 1030 | Теги: Терекле

Всего комментариев: 0

Карачаевцы и балкарцы

Статьи