Статьи

Главная » Статьи » Материалы библиотеки » Алийланы Солтан - Къарачай халкъны эл берген джомакълары

Хансла

Къарачай халкъны эл берген джомакълары

Есюмле

1062.
Аякъ тюбде — айлыкъ нардыу.
(Адай гютдю.)

1063.
Бир абрекни — минг сюнгюсю.
(Айгъакъ чыгъана.)

1064.
Чегет талада — къызыл мынчакъ.
(Айю бал.)

1065.
Меннге келген къотур,
Менден кетген сотур.
(Андыз.)

1066.
Аякълары — голпу,
Чачакълары — чолпу.
(Балдыргъан.)

1067.
Бир къызым барды да,
«Уф» — десенг, чачы тюшеди.
(Баппахан.)

1068.
Бир къызым барды да,
Чачы дарманнга джюрюйдю.
(Безгек дарман.)

1069.
Бир къызым барды да,
Чачындан ариу ийис урады.
(Дух ханс.)

1070.
Бир къызым барды да,
Элден эртдэ уянады.
(Джанкъоз, четенчик.)

1071.
Джаз туугъан — джазгъы сюйюмчю,
(Тела джанкъоз.)

1072.
Битгени — гыджырчыкъ,
Татыуу — къуджурчукъ.
(Джыгра.)

1073.
Бир къызым барды да,
Башындан габу акъгъанлай турады.
(Джылкъы къулакъ.)

1074.
Биченликде — кючлю къатьга.
(Зыка.)

1075.
Бир кючюгюм барды да,
Джараланы джалайды.

1076.
Кек-Аланы къойну —
Кек къошундан толу,
(Кёбдюреуюз.)

1077.
Башы бар — кезю джокъ.
(Киштикбаш ханс.)

1078.
Бир юллем барды да,
Тютюн ичерге джарамайды.
(Кюуелчен.)

1079.
Абу къысхан таш кёрдюм,
Кюнде бишген аш кёрдюм.
(Къычхач,госук.)

1080.
Бир бийчем барды да,
Бай этген къусмай къалмайды.
(Кюадюш.)

1081.
Кек кюбюрню ачдым,
Кек дарийни чачдым.

а) Кюбюрчекни ачайым,
Кек чиллени чачайым.
(Кирдык.)
1082.
Бир къызым барды да,
Аягьын суудан алмайды.
(Къамиш.)

1083.
Чепкени — къара,
Джаулугъу — кёк.
(Къара хане.)

1084.
Амманы чачын эл теблей.
(Къаудан.)

1085.
Кекели — токъмакъ,
Шекели — чакъмакъ.
(Къачхач.)

1086.
Бир къызым барды да,
Кёрген къулагъындан тартады.
(Къозукъулакъ.)

1087.
Бир къызым барды да,
Салкъынлыгъын терсине тутады.
(Къаянсюек ханс.)

1088.
Бир къушум барды да,
«Уф» — демесенг, учмайды.
(Къубулчакъ.)

1089.
Бир къызым барды да,
Ёыюрю багушдан кетмейди,
(Лыбыта.)

1090.
Джаз адамла къоймайла,
Къачда мен къоймайма.
(Мант.)

1091.
Мен сюймеген да киши джокъ,
Мени сюйген да киши джокъ.
(Мантбаш.)

1092.
Сенпил-сенпил сенекле,
Юч бутакълы терекле.
(Марал чёббашы.)

1093.
Кябадан келгек бир тауукъ —
Къанатлары бек зауукъ.
(Мариам ханс.)

1094.
Джол джанында — къабыучу итчик.

а) Джол джанында – къанлы кючюк.
б) Тирмен тюбюнде – къабыучу кючюк.
Къумурсха>

1095.
Отсуз-джалынсыз кюйдюрген.
(Мурса.)

1096.
Джаз аягъымы къоймайла,
Джай башымы къоймайла.
(Мусхот.)

1097.
Бир терекде - минг къошун.
(Мынглан.)

1098.
Бир калпагым барды да,
Сюрюуню юсюнден къыстаялмайма.
(Одал чапракъ.)

1099.
Бууун-бууун бууунчакъ —
Сабийлеге оюнчакъ.
(Сыбызгъылыкъ.)

1100.
Бир къызым барды да,
Бачхадан чыкъмайды.
(Тамыза.)

1101.
Тауда терек тура,
Тийсенг, ийиси ура.
(Тыхтен.)

1102.
Бир кгачюгюм барды да,
Этни аманын ашайды.
(Хырттылы чапракъ.)

1103.
Биз-биз биз эдик,
Бирер ариу къыз эдик,
Тизиу-тизиу тизилдик,
Тизнм къалмай юзюлдюк.
(Чёббашы.)

1104.
Бир къызым барды да,
Хар кергенни кёзю илинеди.
(Чичек.)

1105.
Джол джанында - чимдиучю къазакъ»
(Чыгъана.)

1106.
Бир бийчем барды да,
Хар джетгешш къучакълайды.
(Чырмауукъ хане)

1107.
Къоллары — эшикде,
Санлары — тешикде.
(Штанкъыл.)

1108.
Бир бийчем барды да,
Эмчеги гозюлмей,
Сют ичирмейди.
(Эмизик.)

1109.
Кеси гитче — беркю уллу.
(Эшек джууа)

1110.
Бёркю бар да башы джокъ.
(Эшек джууа.)

↑ Наверх ↑ | Содержание | Терекле | Терек кёгегле

Категория: Алийланы Солтан - Къарачай халкъны эл берген джомакълары | Добавил: Gornaya_Zvezda (31.03.2014) | Автор: Алийланы Солтан

Просмотров: 896 | Теги: Хансла

Всего комментариев: 0

Карачаевцы и балкарцы

Статьи