Статьи

Главная » Статьи » Материалы библиотеки » Алийланы Солтан - Къарачай халкъны эл берген джомакълары

Терек кёгетле

Къарачай халкъны эл берген джомакълары

Кёгетле

1111.
Тауда — джашил тёгерек,
Джыйыб алсанг — бек керек.
(Агъач алма.)

1112.
Къыппа-къызыл, къан кибик.
Тагша-татлы, бал кибик.
(Балий.)

1113.
Къол ичинде — къонгур ёгюз.
(Гургум.)

1114.
Тау башында — чыпчыкъкез.
(Дугъум.)

1115.
Биченликде — къызыл мынчакъ.
(Дыгъылен.)

1116.
Темйр къалада — темреу аш.
(Джабышмакъ.)

1117.
Бир къалада — Къозтюйме,
Къозтюймеде — джезтюйме.
(Джумукъул.)

1118.
Тау башында — мияла мынчакъла.
(Джюзюм.)

1119.
Джол джанында — локъу.
(Итбурун.)

1120.
Кеси къызыл — бурну къара.
(Итбурун.)

1121.
Тау башында — къутукъ,
Башында да буштукъ.
(Итбурун.)

1122.
Бир ирким барды да: -
Баугъа урдум да,
Къуйругъу къалды.
(Кертме.)

1123.
Джар башында — къара къатапа.

а) Чегет бауурда — къара къатапа.
(Къара шкилди.)

1124.
Джар башында — къатапа кюйюз.

а) Чегет бауурда — къызыл къатапа.
(Къызыл шкилди.)

1125.
Таудан келир тыкъар-тукъур,
Башын чач да къутул.
(Къоз.)

1126.
Къырау урса — бише,
Бишсе — джерге тюше.
(Муртху.)

1127.
Тау башында — къызыл ачытхы.
(Такъюзюк.)

1128.
Тау башында — марджан таш.
(Тюртю.)

1129.
Къатылычыкъ-къатлычыкъ —
Кёгетледен татлычыкъ.
(Хурма.)

1130.
Кёкден келир чыкъыр-чукъур,
Сермеб ал да, башын джар да къутул.
(Чёртлеуюк.)

1131.
Нарт-нарт нарт башы,
Нарт башында — солтан ашы.
(Чёртлеуюк.)

1132.
Чегетледе — лыхтын,
Лыхтында — къызылтхын.
(Чум.)

1133.
Тауда — ючгюл кюбюрчек,
Кюбюрчекде — кемирчек.
(Чынар.)

1134.
Сары болса — бише,
Бишсе — джерге тюше.
(Шаптал.)

↑ Наверх ↑ | Содержание | Хансла | Тахта кёгегле

Категория: Алийланы Солтан - Къарачай халкъны эл берген джомакълары | Добавил: Gornaya_Zvezda (31.03.2014) | Автор: Алийланы Солтан

Просмотров: 929 | Теги: Терек кёгетле

Всего комментариев: 0

Карачаевцы и балкарцы

Статьи