Статьи

Главная » Статьи » Материалы библиотеки » Алийланы Солтан - Къарачай халкъны эл берген джомакълары

Кийик къанатлыла

Къарачай халкъны эл берген джомакълары

Кьанатлыла

1295.
Къолсуз, балтасыз юй ишлер.
(Къанатлы.)

1296.
Чегет болмай джашамаз,
«Таркъ» — демейин ашамаз.
(Агъач тауукъ.)

1297.
Бир джасанма къызым барды да,
Эл аны тепсегенине къарайды.
(Алтын тауукъ.)

1298.
Бурну чюй — тёпггеси чюйке.
(Байрамджак.)

1299.
Шыблача учар,
Илгендириб къачар.
(Бёдене.)

1300.
Учууукъ суугьа кирмез,
Джюзюуюк суудан чыкъмаз,
(Бёдене бла чабакъ.)

1301.
Джыйылса — чычхан,
Джайылса — чыпчыкъ.

а) Учса — чыпчыкъ,
Къонса — чычхан.
(Биттир.)

1302.
Джырсыз кювдо кетмеген,
Джырына джыр джетмеген.
(Булбул.)

1303.
Ингичке-назик макъамы,
Ташда-агъачда мекямы.
(Гергеджыз чыпчыкъ.)

1304.
Бир келиним барды да,
Хар баласы гыбышы болады.
(Гугук.)

1305.
Къарангыда кёреди да,
Джарыкъда кёрмейди.
(Гылынкъуш.)

1306.
Ёмюрюнде джырламагъан,
Джырласа — сау къалмагъан.
(Дууадакъ.)

1307.
Бир къызым барды да,
Элден алгъа джырлайды.
(Джаз тауукъ.)

1308.
Сызгъырса — сыны ариу,
Сызгъырмаса — тюгю ариу.
(Джумарыкъ тауукъ.)

1309.
Окъгъа учар,
Тобча чачар.
(Илячин.)

1310.
Къаялада юйю,
Уялада кюую,
(Кёгюрчюн.)

1311.
Бир кёзю — окъда,
Бир кёзю — бокъда.
(Къаргъа.)

1312.
Не этейим мен шыблагъа,
Кёлтюред да кетед къыблагъа.
(Къартчыгъа.)

1313.
Сырты — къазандан къара,
Баууру — къардан акъ.
(Къарылгъач.)

1314.
Джырлагъаны — чырдыда,
Бугъуннганы — мырдыда.
(Къой чыпчыкъ.)

1315.
Боран-тубан тыймагъан,
Ууакъ-тюек къоймагъан.
(Къузгъун.)

1316.
Сууда джулдуз джанар.
(Къундуз.)

1317.
Кёзкёрмезге учар,
Кёкде кёргенин чачар,
(Къуш.)

1318.
Хамхотладан къарар,
Эчкилени марар.
(Эчкичи къуш.)

1319.
Шып-шып этер,
Шыпда къонар,
Бабиян башлы,
Алтын тёшлю.
(Сабан чыпчыкъ.)

1320.
Суу юсюнде уча,
Суу тюбюне къача.
(Суу чыпчыкъ.)

1321.
Башы таракълай,
Къуйругъу чабакълай.
(Суу бабуш.)

1322.
Джырлаб джырын бошамагъан,
Джыры джыргъа ушамагъан,
(Тартар.)

1323.
Узун боюнлу,
Къур-къур оюнлу.
(Турна.)

1324.
Узунаякъ инджикёз,
(Турна.)

1325.
Къазандан къара,
Къардан акъ,
Оракъдан муккур,
Окъдан тюз.
(Чакъынджик.)

1326.
Бурма бутлу Хасанахан.
(Чаука.)

1327.
Кеси къара — бурну акъ.
(Чаука.)

1328.
Таш башында — къызыл ашыкъ.
(Чаука - аякъ.)

1329.
Эркечи — къара,
Тишиси — чубар.
(Чын тауукъ.)

1330.
Ачыкъаууз, джумукъкёз.
(Чыпчыкъ бала.)

1331.
Шорбат-шорбатда — юйю,
Чарт-курт, чарт-курт кюую.
(Шорбат чыпчыкъ.)

↑ Наверх ↑ | Содержание | Юй къанатлыла | Меджнсуулукъ,джахиллик

Категория: Алийланы Солтан - Къарачай халкъны эл берген джомакълары | Добавил: Gornaya_Zvezda (31.03.2014) | Автор: Алийланы Солтан

Просмотров: 1638 | Теги: Кийик къанатлыла

Всего комментариев: 0

Карачаевцы и балкарцы

Статьи