Къарачай халкъны эл берген джомакълары Юй рысхы

388.
Эшик башында — джау гоппан.
(Билезик къыппа.)

389.
Узакъ джолну тауусдум да,
Бир атлам къалды.
(Бычыл.)

390.
Бир келиним барды да,
Джетген аны къучакълайды.
(Джанджаулукъ.)

391.
Сени да джылытады,
Кесин да джылытады.
(Джууургъан.)

392.
Къолу-аягъы джокъ - кёлек кие.
(Джастыкъ.)

393.
Джумшакълыгъы — мамукъ кибик,
Ауурлугъу — къабукъ кибик.
(Къуу джастыкъ.)

394.
Кееи кёре билмейди,
Кёрмегеннге кёргюзеди.
(Кёзлюкле.)

395.
Кёрген кёзню ау этер,
Кёрмегенни сау этер.
(Кёзлюкле.)

396.
Бир юйюм барды да,
Ёмюрюнде ичи къуру болмайды.
(Кюбюр.)

397.
Бир къызым барды да,
Анга къарамагъан джокъду.
(Кюзгю.)

398.
Палапан аякълы,
Палпуч тырнакълы,
Сюрюб джеталмазса,
Тутуб тыялмазса.
(Кюзгю джарыкъ.)

399.
Къардан акъ,
Джюнден джумшакъ.
(Мамукъ.)

400.
Аягъы джокъду — джюрюйдю,
Тили джокъду — сёлешеди.
(Сагъат.)

401.
Бир аягьы — узун,
Бир аягъы — къысха.
(Сагъат.)

402.
Орнундан турмаз,
Тауушу къурумаз.
(Стол сагъат.)

403.
Тёрт кишини — бир бёркю.
(Стол.)

404.
Темир ызындан барыучу,
Джолда бугъуб къалыучу.
(Халы.)

405.
Чулгъам-чулгъам къара ичеги,
Джылны а'сырасам, чиримейди.
(Шынтагы.)