Къарачай халкъны эл берген джомакълары Юй рысхы

325.
Бычакъ да тюйюлдю,
Джюлгюч да тюйюлдю,
Экисинден да ариу джюлюйдю.

326.
Агъачдан агъач тууар,
Агъач бла белин бууар.
(Агъач къуршоулу джыккыр.)

327.
Бешден-бешден белин буугъая,
Кеси къара агъачдан туугъан.
(Джыккыр бла къуршоулары.)

328.
Башына кюн тие,
Ичине къар джауа.
(Айран джыккыр.)

329.
Эки эгечни къоюнлары:
Базаргъа бара - къуру,
Базардан келе - толу.
(Артмакъла.)

330.
Бир атым барды да,
Ёмюрю ашдан тоймайды.
(Ашлау.)

331.
О мингеллек-мингеллек,
Мингеллекни къызыма,
Минг эл бермей айтмазма.
(Ашлыкъёп.)

332.
Ичи - къызыл къатапа,
Тышы - къара къатапа,
(Багъыр къазан.)

333.
Ичи - сары къатапа,
Тышы - къара къатапа.
(Джез къазан.)

334.
Бир кёлюм барды да,
Тюбю джерге джетмейди,
(Къазан.)

335.
Суу юсюнде - къынгыр иеги.
(Къазан кириш.)

336.
Ол - кекге къарай,
Эл - анга къарай.
(Отда къазан.)

337.
Эки уллу къулагъы –
Экиси да эшитмейди.
(Сыргъалы къазан,)

338.
Къарабай ат ойната,
Кърал анга къарай.
(Уча къазан.)

339.
Къарангы бауда къаугъа кёрдюм,
Акъ сакъаллы баба кёрдюм,
(Эт къазан.)

340.
Эчкими джангыз эмчеги –
Аны саумагъан киши джокъ.
(Бет-къол джуууучу.)

341.
Аягъы джокъ, къолу джокъ,
Элге айланмай джолу джокъ.
(Битир аякъ.)

342.
Бир ёгюзюм барды да,
Суудан тоймайды.
(Гадура.)

343.
Эки аягъы, эки къолу,
Къарны кырдыкдан толу.
(Гадура.)

344.
Бир ёгюзюм барды да:
Не ичиреме, не ичиреме –
Суудан тоймайды.
(Гёген.)

345.
Бир бийчем барды да,
Аны эмчегин эммеген джокъду.
(Гыбыт.)

346.
Бир атым барды да,
Ашыны юсюне аунайды.
(Джазгъыч.)

347.
Узункъуйрукъ, ючаякъ,
Ючаякъда - бир табакъ.
(Джалгъаууч.)

348.
Къарантхасы джокъ,
Кёлю токъ.
(Джау гыбыт.)

349.
Топ-туп этер,
Тенгизден ётер.
(Джау ургъуч.)

350.
Бир къызым сыргъалы,
Бир къызым сыргъасыз.
(Джез таз бла багъыр таз.)

351.
Къош аллында - ауузачыкъ.
(Ит тегене.)

352.
Бир къызым барды да,
Къаймакъдан сюйгени джокъду.
(Къаймакъ алыучу.)

353.
Къалакъчыкъ ата,
Талакъчыкъ тарта.
(Къашыкъ бла,тил.)

354.
Бир келиним барды да:
Кетген да аны уппа этеди,
Келген да аны уппа этеди.
(Къашыкъ.)

355.
Акъсыл ёгюз юйден кёчмез,
Тилин тартмай, суу ичмез.
(Къумгъаи.)

356.
Атха минмез,
Джаяу джюрюмез.
(Къумгъан.)

357.
Бир ёгюзюм барды да,
Кёкге къарамай суу ичмейди.
(Къумгъан.)

358.
Бир атым (ёгюзюм) барды да,
Бойнун бурмай, суу ичмейди.
(Къумгъан.)

359.
Къумукъдан келген талгъыр ёгюз.
Бойнун бурмай, суу ичмез.
(Къумгъан.)

360.
Отджагъада - къара киштик.
(Туч къумгъан.)

361.
От башында - хымил киштик.
(Чоюн къумгъан.)

362.
Кёк алаша кюлде аунар.
(Къуйгъуч.)

363.
Ач болса,
Чулгъаныб джатар,
Токъ болса,
Чынгаб къобар.
(Машок.)

364.
Бир атым барды да:
От ашайды да, суу ичеди.
(Самауар.)

365.
Башы - тешик,
Тюбю - тешик,
Ортасында - от бла суу.
(Самауар.)

366.
От башында - джаулу чоюнчукъ.
(Силти хызен.)

367.
Джанынгдан кетмез,
Су у саб этмез.
(Суулукъ.)

368.
Бир кюннге минг джуууна.
(Суу челек.)

369.
Эки къарнаш кюнде джуууналла,
Хар кюнде да бирге джуууналла.
(Суу челекле.)

370.
Бара-бара — джырлай бара,
Келе-келе — джылай келе.
(Челекле.)

371.
Экеулен джууунады,
Биреулен къарайды.
(Челекле бла суу агъач.)

372.
Ичиб суудан тоймагъан,
Энди болдум деб къоймагъан
(Тюбсюз челек.)

373.
Суусундан къарны тоймаз,
Къалынны атыб къоймаз.
(Сюзгюч.)

374.
Бир къызым барды да,
Джангыз сыргъа тагъады.
(Таз.)

375.
Уллу къолда къар къыра.
(Тегене къыргъыч.)

376.
Ансыз ёнкюч да алмайла,
Ансыз ёнкюч да бермейле.
(Темирли.)

377.
Юч къарнашны - бир бёркю.
(Тепси.)

378.
Бир юйюм барды да,
Ичи боран этеди.
(Холодильник.)

379.
Къара агъачны джашыма,
Джыккырдагъын ташыйма.
(Агъач чолпу.)

380.
Бир къызым барды да,
Джаны-тини сютбашы.
(Сютбашы аулаучу чолпу )

381.
Узунбоюн Даусхан –
Къазандагъын тауусхан.

а)Узункъуйрукъ Саурусхан –
Къазандагъын тауусхан.
(Чолпу.)

382.
Бир къалада — минг тешик.
(Четен корзинка.)

383.
Тёгереги — къара къая,
Ортасында — акъ мая.
(Чоюн бла сют.)

384.
Ауузу бла иче да,
Бурну бла теге.
(Шайнек.)

385.
Бир атым барды да,
Сууну ауузундан юзмейди.
(Шоргъа.)

386.
Бир къалада — минг тешик.
(Элек.)

387.
Юч кишини — бир сархы.
(Ючаякъ.)