Къарачай халкъны эл берген джомакълары Адам, Джашау, Ёлюм.

66. Кёзюнг къараб тоймагъан.
Кёлюнг къаныб къоймагьан,
Хар джаннга бир кере берилген,
Кетсе - къайтыб келмеген.
(Джашау.)

67. Узакъладан къызарады,
Мийикледен узалады,
Кеси къумач джурунду,
Магъанасы уллуду.
(Вайракъ.)

68. Сабыр тюбю — сары алтын,
Ким билмейди аны атын.
Халкъла сюйген терекди,
Дуниягъа бек керекди,
(Рахатлыкъ.)

69. Сыртдан къылпа тёнгерер.
(Джыламукъ.)

70. Ала тауну суу тарай.
(Тер.)

71. Балтадан ауур,
Балдан татлы,
Бауурдан къаты,
Базарда сатылмагъан,
Къолда тутулмагъан.
(Джукъу.)

72. Кёзюм къысылса - кёреме,
Кёзюм ачылса - кёрмейме.
(Тюш.)

73. Не къолу джокъ,
Не аягъы джокъ,
Дунияны юсюнде
Джетмеген джери джокъ.
(Сёз.)

74. Темирден ауур,
Бычакъдан джити.
(Сёз.)

75. Узун джолну къысха этер.
(Хапар.)

76. Къыйналмайын къууандырыр,
Ишлемейин саугъаландырыр.
(Сюйюмчю.)

77. Балсыз-джаусуз болмагъан,
Киши ауузуна салмагъан.
(Балхам.)

78. Къара тулукъ - этден толу,
(Бармакълыкъ.)

79. Джар ауузда - джары къабчыкъ.
(Джула.)

80. Сют анасы,
Айран атасы,
Бышлакъ баласы.
(Ингирчек.)

81. Бир къолда турмаз,
Санаудан тоймаз.
(Ачха.)

82. Ауругъан джокъ,
Ёлген джокъ,
Къара кърал топ-толу.
(Базар.)

83. Хурджунумда - кюбюрчек,
Мюлкюм саулай сыйыныр.
(Бочха.)

84. Чыммакъ-акъ тёгерек –
Адамгъа бек керек.
(Кюмюш сом.)