Къарачай халкъны эл берген джомакълары Мекямла бла мекям керекле

505.
Бир итим барды да:
Тилин тартмасанг,
Арбазгъа иймейди.
(Арбаз къылыч.)

506.
Къош аллында — къошбаш бугьа.
(Ат илкич.)

507.
Бир атым барды да,
Анга джюкленмеген кир джокъду.
(Бокъла ууч.)

508.
Меннге тагъылмагъан да джокъду,
Меннге джарашмагъан да джокъду.
(Быкъы.)

509.
Тау артында — Тауай,
Тау аллында — Шауай.
(Бауну арх-ал къаранчхалары.)

510.
Ашы джокъ, сууу джокъ,
Сюеледи къазагъым.
(Къаранчха.)

511.
Нёгери джокъ — къатында,
Кёнчеги джокъ — бутунда,
Кече стауатны сакълайды,
Кюндюз ёретин джукълайды.
(Стауат къаранчха.)

512.
Бир затъш барды да,
Ансыз хан къалагъа ёрлемейди.
(Аякъ бачхыч.)

513.
Эки анада — джыйырма бала.
(Къол бачхыч.)

514.
Чарламагъан шкок.
(Къазыкъ.)

515.
Тёпяеси — кёкге къарай,
Тёгерегин — джангур тарай.
(Къазыкъ.)

516.
Къош аллында — джаналгъыч.
(Къой кесген таги.)

517.
Аягъы джокъ, кёзю джокъ,
Сокъур къартха — джол уста.
(Таякъ.)

518.
Ит къаба да, къонкъа олтура.
(Юй богъу.)