Къарачай халкъны эл берген джомакълары От бла джарыкъ

519.
Анам этген юйден чыкъмаз,
Атам этген юйге кирмез.
(Печь бла арба.)

520.
Бир къызым барды да:
Кеси юйде кёмюр чайнайды,
Чачы джелде бугъунчакъ ойнайды.
(Печь.)

521.
Къыш ашаб ашдан тоймагъан,
Джай ашны къатына къоймагъан.
(Печь.)

522.
Таш ташны кёлтюрюр,
Таш атасын кёлтюрюр,
Атасы баласын кёлтюрюр,
Баласы бёркюн кёлтюрюр.
(Печь,плита,къазап,баш.)

523.
Дженгил къызар, Терк сууур.
(Къалай печь.)

524.
Сынпаяхан Пачахан —
Ауузун кёкге ачахан.
(Оджакъ.)

525.
Сырт юсюнде — акъ бийче.
(Оджакъ.)

526.
Не отха - кирмейдшге,
Не отдан кетмейдиле.
(Билек агъачла.)

527.
Хатасызгъа тиймеген,
Хаталыны иймеген.
(Дюгер.)

528.
Бир терекде — джюз тешик.
(Агъач сынджыр.)

529.
Бир къалада — минг тешик.
(От сынджыр.)

530.
Бир къаяда — минг тешик
Бири-бирин тутадыла,
Анда бишген затланы
Бек къууаныб джутадыла.
(От сынджыр.)

531.
Къабыргъа узуну къара къатын.
(От сынджыр.)

532.
— Къынгыр-мынгыр, къайры бараса?
— Гылджыу-мылджыу, нек сораса?

а)Къынгыр-мынгыр, къайры бараса?
— Муккур-чуккур, нек сораса?
(Сынджыр бла тютюн.)

533.
Джантакъ киши отдан артха турмаз.
(От агъач.)

534.
Тау артында — джилтинли къулакъ
(От къуууш.)

535.
Къолгъа алынмагъан,
Тулукъгъа салынмагъан,
Къаягъа минмеген,
Суугъа кирмеген.
(От.)

536.
Джатхан джерйнден къобмагъан,
Ёлгюнчю тынчлыкъ табмагъан.
(От.)

537.
Бир ёгюзюм барды да,
Ол джатхан джерге тюк чыкъмайды.
(От.)

538.
Бир къызыл ёгюзюм барды да:
- Не къуйругъундан тутдурмайды,
Не къулагъындан тутдурмайды.
(От.)

539.
Бир къызыл ёгюзюм барды да,
Еле туруб кёк болады.
(От.)

540.
Меннге чабды,
Мени къабды,
Эшигими джабды.
(От бла къысхач.)

541.
Къызыл ийнек къызыу ёкюре,
Къызыл бузоу кёкге секире.
(Агъач от бла джилтич)

542.
Къызыл ёгюз чючкюрсе,
Къызыл мынчакъ чартлар.
(От бла джилтич)

543.
Бир къызыл ийнегим барды да,
«Уммох» — десе, бузоуу тюзге къачады.
(От бла джилтин.)

544.
Бир къызыл ийнегим барды да,
Бузоуу къачса къайтмайды.
Къара ийнекни тюбюнде — къызыл бузоу.
(Чоюн тюбюнде от.)

545.
Тебе башында — къызыл резик,
Тёппесинден чыкъгъан—къара бйлезик.
(От джаннган бла тютюн.)

546.
Хар къаланы бурасы,
Шууулдайды шуудасы.
(От джаннгал бла тютюн.)

547.
Къызыл ёгюз чибинлеб кетди,
Кёксюл ёгюз джатыб къалды.
(От бла кюл.)

548.
Къызыл ийнекни — кёк бузоуу.
(Отну кюлю.)

549.
Къызыл ёгюз къара къуса.
(От бла къурум.)

550.
Къулакъ ичинде — къара къырау.
(Къурум.)

551.
Къулакъ ауузунда — къара джамчы.
Къызыл ёгюз джерде джата,
Кёксюл ёгюз кёкге тарта.
(От бла тютюн.)

552.
Къычырмай-сызгьырмай элни чабдырыр.
(От тюшген.)

553.
Къара ийнек къарайды,
Къызыл ийнек джалайды.
(От бла чоюн.)

554.
Бир къызыл ёгюзюм барды да,
Тюбюн тартмасанг, къобмайды.
(От этген.)

555.
Бир ёгюзюм барды да,
Джатханды да, къобаргъа унамаиды.
(Джанмагъан от.)

556.
Бир ёгюзюм барды да,
«Ух» — десе — ёзенни къаралтады.
(Оу бла джалын.)

557.
Кеси стауатда джата,
Силегейи къаягъа къата,
(От бла джалын.)

558.
Тар ёзеннге — джулдуз учхан.
(Оджакъда джилтин.)

559.
Ачала къызы бурмачач.
(Оджакъны тютюню.)

560.
Бурма чачлы Кермехан,
Аллын кёкге бурмахан.
(Тютюн.)

561.
Белин узун созар,
Къуйрукъ булгъай озар.
(Тютюн.)

562.
Кёк киштик юй башына чыкъды да,
Юйге къайтмай, тас болду.
(Тютюн.)

563.
Къолу джокъ,
Аягъы джокъ,
Кёкге ёрлер.
(Тютюн.)

564.
Юйге кирсе,
Эшикге чыкъмаз;
Эшикге чыкъса,
Юйге кирмез.
(Тютюн.)

565.
Кёк ёгюзюм чибинлеб кетди,
Къызыл ёгюзюм джатыб къалды.
(Агъач кёсеуле.)

566.
Аллынг толу нал,
Кёлтюралсанг, ал.
(Отну кёсеую.)

567.
Къып-къызыл къызыл-ала —
Бояусузлай къара бола.
(Отну кёсеую.)

568.
Къызыл ийнекни — къызыл танасы.
(Отну кёсеую.)

569.
Тегене толу — къызыл ашыкъ.

а)Къум тюбюнде — къызыл ашыкъ.
(Мыдых.)

570.
Аягъы джокъ — къачады,
Къанаты джокъ — учады.
(Учхуж.)

571.
Бир къызыл ёгюзюм барды да,
Бир кечеге сау стауатны къаралтады.
(Шынкъарт.)

572.
Бир кюбюрчегим барды да,
Алтмыш кере ачама,
Андан сора атама.
(Пашот тоб.)

573.
Бир кюбюрде — алтмыш таякъ.
(Сернекле.)

574.
Къанга юйчюкде — алтмыш къарнаш.
(Сернекле.)

575.
Дорбун толу — къарабаш къозу.
(Сернекле.)

576.
Бир затым барды да,
Ургъанынг сайын бала табады.
(Томрау бла джаркъа.)

577.
Союла тура анасы,
Къутулуб бара баласы.
(Дюккюч бла джонгурчха.)

578.
Мьшдан атдым Махаргъа,
Бурундугъу — шахаргъа.
(Джонгурчха.)

579.
Кюн тюбюнде джата,
Гырджын кибик къата.
(Сыгын.)

580.
Къызыл ёгюзню мулхарын кёк ёгюз ашар.
(Кюл бла багуш.)

581.
Къызыл ёгюзню мулхарын къара ёгюз ташыр.
(Кюл тёгюучю.)

582.
Бир сары алашам барды да,
Бир юрксе, суугъа дери тохтамайды.
(Ёртен.)

583.
Бир атым барды да:
Къырдышда чабады да,
Топракъда абынады.
(Ёртен.)

584.
Бир атым барды да,
Бир джолну эки бармайды.
(Ёртен.)

585.
Бир ёгюзюм барды да:
Кырдыкны къояды да,
Къауданны отлайды.
(Ёртен.)

586.
Бир къызыл ёгюзюм барды да,
Басхан джери къара болады.
(Ёртен.)

587.
Джолгъа дери тириле,
Джолгъа джетсе, тигиле. (тиреле),
(Ёртен.)

588.
Къолсуз-аякъсыз таугъа ёрлер.
(Ёртен.)