Статьи

Главная » Статьи » Материалы библиотеки » Алийланы Солтан - Къарачай халкъны эл берген джомакълары

Аскер техника бла керекле

Къарачай халкъны эл берген джомакълары

Техника бла иш керекле

809.
Бир сенгкилчегим барды да,
Анга миннген сау къалмайды.
(Асмакъ.)

810.
Бир итим барды да,
Аягъынгдан тутса — иймейди.
(Бугъоу.)

811.
Бир кёлегим барды да:
Окъ тешмез,
Къылыч кесмез.
812.
Белде болур — чюйде солур.
(Къылыч.)

813.
Алтын тырнакълы къанлы кючюк.
814.
Къабыргъада—къанлы таякъ.
(Къауал.)

815.
Къабыргъада — къанлы кючюк.
(Шкок.)

816.
Къарангы баудан гылла-гылла къаугъа чыкъды.
(Шкокну атылгъаны.)

817.
Узун-узун узгъарыкъла,
Узун тюзде къычырыкъла.
(Шкок атылгъан.)

818.
Узун-узун узурукъла,
Ортасында — тюй бюртюк.
(Чечме шкок бла окълары.)

819)
Бир ит къачар,
Минг ит къууар.
(Чечме шкок.)

820.
Къаз къангкъылдар,
Къангагъа минер,
Инджи себер.
(Чечме шкок бла окълары.)

821.
Чакъгъычы чагъар,
Джетмиши джетер.
(Чакъма шкок.)

822.
Къарангы бауда —
къутургъан кючюк.

а) Къарангы юйде — къанлы кючюк
(Шкокну быргъысында окъ.)

823.
Кеси гитче — кючю кеб.
(Окъ.)

824.
Тийген джери тар,
Чыкъгъан джери кенг.
(Окъ.)

825.
Бир анада - джыйырма алты бала.
(Патронташ.)

826.
Оракъдан — къынгыр,
Окъдан — тюз.
(Садакъ джая.)

827.
Къапландан — кючлю,
Къабандан — тишли.
(Танка.)

828.
Тюзде — бугъа гюрюлдей,
Тауда — ташла люуюлдей.
(Тоб.)

↑ Наверх ↑ | Содержание | Элмюлк техника бла керекле | Джан керекле.Кезлик

Категория: Алийланы Солтан - Къарачай халкъны эл берген джомакълары | Добавил: Gornaya_Zvezda (31.03.2014) | Автор: Алийланы Солтан

Просмотров: 865 | Теги: Аскер техника бла керекле

Всего комментариев: 0

Карачаевцы и балкарцы

Статьи